ബി.എൽ.എം നിക്ഷേപ ക്രമക്കേട് കേസിൽ അന്വേഷണം കൂടുതൽ ശക്തമാക്കി എൻഫോഴ്സ്മെന്റ് ഡയറക്ടറേറ്റ്. സ്ഥാപനത്തിന്റെ സ്ഥാപക ചെയർമാൻ ആർ. പ്രേംകുമാറിനും കുടുംബാംഗങ്ങൾക്കും ചോദ്യം ചെയ്യലിന് ഹാജരാകാൻ ഇ.ഡി സമൻസ് അയച്ചു. കള്ളപ്പണം വെളുപ്പിക്കൽ കേസുമായി ബന്ധപ്പെട്ട് അടുത്ത മാസം അന്വേഷണ സംഘത്തിന് മുന്നിൽ ഹാജരാകാനാണ് നിർദേശം. നിക്ഷേപകരിൽ നിന്ന് സമാഹരിച്ച പണം വകമാറ്റിയെന്ന ആരോപണത്തിലാണ് അന്വേഷണം പുരോഗമിക്കുന്നത്.
നിക്ഷേപത്തുക സ്വന്തം പേരിലേക്കും കുടുംബാംഗങ്ങളുടെ പേരിലേക്കും മാറ്റിയെന്നതാണ് പ്രേംകുമാറിനെതിരായ പ്രധാന ആരോപണം. ഇതുമായി ബന്ധപ്പെട്ട് കേരളത്തിലും തമിഴ്നാട്ടിലുമായി വിവിധ കേന്ദ്രങ്ങളിൽ ഇ.ഡി പരിശോധന നടത്തിയിരുന്നു. നിക്ഷേപത്തുക കൈകാര്യം ചെയ്യാൻ നിരവധി ബാങ്ക് അക്കൗണ്ടുകൾ ഉപയോഗിച്ചതായും സ്ഥാപനത്തിന്റെ ആസ്തികൾ പണയംവെച്ച് സാമ്പത്തിക നേട്ടമുണ്ടാക്കിയതായും അന്വേഷണ ഏജൻസി കണ്ടെത്തിയിട്ടുണ്ട്. കുടുംബാംഗങ്ങളുടെ പേരിൽ സ്വത്തുക്കൾ സമ്പാദിച്ചതായും ഇ.ഡി ആരോപിക്കുന്നു.
അന്വേഷണത്തിന്റെ ഭാഗമായി ഏകദേശം 103 കോടി രൂപയുടെ സ്വത്തുക്കളാണ് ഇ.ഡി താൽക്കാലികമായി മരവിപ്പിച്ചത്. റോൾസ് റോയ്സ്, പോർഷെ ഉൾപ്പെടെയുള്ള എട്ട് ആഡംബര കാറുകൾ, കോടികൾ വിലമതിക്കുന്ന സ്വർണാഭരണങ്ങൾ, ബാങ്ക് നിക്ഷേപങ്ങൾ, മറ്റ് സ്വത്തുക്കൾ എന്നിവ ഇതിൽ ഉൾപ്പെടുന്നു. സമൻസിന്റെ അടിസ്ഥാനത്തിലുള്ള ചോദ്യം ചെയ്യലിലൂടെ സാമ്പത്തിക ഇടപാടുകളുടെയും സ്വത്തുക്കളുടെയും കൂടുതൽ വിവരങ്ങൾ കണ്ടെത്താനാണ് അന്വേഷണ സംഘത്തിന്റെ നീക്കം. ബി.എൽ.എം കേസിൽ വരും ദിവസങ്ങളിൽ നിർണായക നടപടികളുണ്ടാകുമെന്നാണ് പ്രതീക്ഷ.
ഇറാന്റെ സൈനികശേഷി പൂർണമായും തകർത്തുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദങ്ങൾക്കിടെ പുതിയ വെളിപ്പെടുത്തലുമായി യുഎസ് ഇന്റലിജൻസ് റിപ്പോർട്ട്. അമേരിക്കയുടെയും…
ബോസ്റ്റൽ സ്കൂളിൽ നിന്ന് പുറത്തിറങ്ങിയ സൂഹൈലിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകർക്ക് നേരെ ബന്ധുക്കളുടെയും സുഹൃത്തുക്കളുടെയും പരാക്രമം. ക്യാമറയ്ക്ക് മുന്നിൽ…
കേരളത്തിലെ വൈദ്യുതി വാങ്ങൽ ഇടപാടുമായി ബന്ധപ്പെട്ട വിവാദം പുതിയ തലത്തിലേക്ക്. മുൻ കെ.എസ്.ഇ.ബി ചെയർമാനും ഊർജവകുപ്പ് സെക്രട്ടറിയുമായിരുന്ന ജി. രാജമാണിക്യത്തിന്റെ…
ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ബന്ധമുള്ള രണ്ട് ലഷ്കർ-ഇ-ത്വയ്ബ ഭീകരരെ സുരക്ഷാസേന ഏറ്റുമുട്ടലിൽ വധിച്ചു. നവംബർ…
തമിഴ്നാട്ടിൽ ജെം ഗ്രാനൈറ്റ്സ് ഉടമ ആർ. വീരമണിക്കെതിരായ പോക്സോ കേസുകളുടെ അന്വേഷണത്തിൽ നിർണായക വഴിത്തിരിവ്. കേസിൽ വീഴ്ച വരുത്തിയെന്ന ആരോപണത്തെ…
ഭാരതത്തിന്റെ പൗരാണിക വിശ്വാസങ്ങളുടെയും പ്രകൃതി ആരാധനാ പാരമ്പര്യത്തിന്റെയും മഹത്തായ അടയാളമായ ഛഠ് മഹാപർവത്തിന് ഭക്തിനിർഭരമായ സമാപനം. നവംബർ 16-ന് പുലർച്ചെ…