ത്രെഡ്സ് ഉപയോക്താക്കളിൽ വൻ കുറവ്; സക്കർബർഗ് പോലും ഉപയോഗിക്കുന്നില്ലെന്ന് വിവരം, കഴിഞ്ഞ ദിവസങ്ങളിൽ ഉപയോഗിച്ചത് എൺപത് ലക്ഷം ഉപയോക്താക്കൾ മാത്രം

മെറ്റയുടെ ഏറ്റവും പുതിയ പ്ലാറ്റ്‌ഫോമായ ത്രെഡ്സ് ഇടിഞ്ഞിരിക്കുന്ന വാർത്തയാണ് പുറത്ത് വരുന്നത്. ജൂലൈ 31 വരെയുള്ള കണക്കുകൾ പ്രകാരം ത്രെഡ്‌സിന്റെ പ്രതിദിന സജീവ ഉപയോക്താക്കളുടെ എണ്ണത്തിൽ, ആരംഭിച്ചതിൽ നിന്ന് 82 ശതമാനം കുറവാണ് സംഭവിച്ചിരിക്കുന്നത്.കഴിഞ്ഞ ദിവസങ്ങളിൽ എൺപത് ലക്ഷം ഉപയോക്താക്കൾ മാത്രമാണ് ആപ്പ് ഉപയോഗിച്ചത്. ആപ്പ് ലോഞ്ച് ചെയ്തതിന് ശേഷമുള്ള ഏറ്റവും കുറഞ്ഞ സംഖ്യ ആണിതെന്നാണ് റിപ്പോർട്ടുകൾ

മെറ്റ സഹസ്ഥാപകൻ മാർക്ക് സക്കർബർഗിന്റെ ത്രെഡ്സ് ഉപയോഗവും കുറഞ്ഞിരിക്കുകയാണെന്ന വാർത്തയും പുറത്ത് വരുന്നു. അദ്ദേഹം പോസ്റ്റുകൾക്ക് മറുപടി നൽകുന്നുണ്ടെങ്കിലും ലോഞ്ച് സമയത്തെ അപേക്ഷിച്ച് പുതിയ പോസ്റ്റുകൾ പങ്കുവെക്കുന്നത് കുറഞ്ഞു. ഉപയോക്താക്കളെ ത്രെഡ്സിൽ നിലനിർത്തുന്നതിനുള്ള പദ്ധതികൾ മെറ്റ ആരംഭിച്ചതായാണ് സൂചന.