അസാധ്യം !! ബ്രഹ്‌മോസ് മിസൈലിനെ തങ്ങൾ നൽകിയ മിസൈൽ പ്രതിരോധ സംവിധാനങ്ങളുപയോഗിച്ച് തടുക്കാൻ സാധിക്കില്ലെന്ന് സ്ഥിരീകരിച്ച് ചൈന! പകച്ച് പാകിസ്ഥാൻ

ബീജിങ്:പാകിസ്ഥാന് തങ്ങൾ നൽകിയ വ്യോമ പ്രതിരോധ സംവിധാനങ്ങൾ ഉപയോഗിച്ച് ഇന്ത്യയുടെ ബ്രഹ്‌മോസ് മിസൈലിനെ പ്രതിരോധിക്കാന്‍ സാധിക്കില്ലെന്ന് സ്ഥിരീകരിച്ച് ചൈന. ഇപ്പോൾ പാകിസ്ഥാന്റെ പക്കലുള്ള ചൈനീസ് നിർമ്മിത എച്ച്.ക്യു-9ബി, എച്ച്.ക്യു-16 എന്നീ പ്രതിരോധ സംവിധാനങ്ങള്‍ക്ക് ബ്രഹ്‌മോസിനെ തടയാന്‍ സാധിക്കില്ലെന്നാണ് ചൈന പറയുന്നത്. . ഈ സംവിധാനങ്ങള്‍ ബ്രഹ്‌മോസ് മിസൈലുകളെ തടയാന്‍ കഴിയുന്ന തരത്തിലല്ല രൂപകല്‍പ്പന ചെയ്തിരിക്കുന്നതെന്നാണ് ചൈന അറിയിച്ചത്.

ഓപ്പറേഷന്‍ സിന്ദൂറിനിടെ പാകിസ്ഥാന്റെ തന്ത്രപ്രധാനമായ പല കേന്ദ്രങ്ങളും ഇന്ത്യ ബ്രഹ്‌മോസ് മിസൈല്‍ ഉപയോഗിച്ച് തകര്‍ത്തിരുന്നു. ചൈനയില്‍നിന്ന് പാകിസ്താന്‍ വാങ്ങിയ എച്ച്.ക്യു-9ബി, എച്ച്.ക്യു-16 എന്നീ പ്രതിരോധ സംവിധാനങ്ങള്‍ക്ക് ബ്രഹ്‌മോസ് മിസൈലിനെ തിരിച്ചറിയാനോ പ്രതിരോധിക്കാനോ സാധിച്ചില്ല. 15 ബ്രഹ്മോസ് മിസൈലുകളാണ് പാകിസ്ഥാനിൽ സർവ്വ നാശം വിതച്ചത്. ഇതിന് പുറമെ ഇന്ത്യ പ്രയോഗിച്ച സ്‌കാല്‍പ് മിസൈലുകളും കാമികാസി ഡ്രോണുകളും പാകിസ്താന്റെ ആന്റി സ്റ്റെല്‍ത്ത് റഡാറുകളെയും എച്ച്.ക്യു-9ബി, എച്ച്.ക്യു-16 എന്നീ പ്രതിരോധ സംവിധാനങ്ങളെയും നശിപ്പിച്ചു. ഇന്ത്യയുടെ ആക്രമണത്തെ പ്രതിരോധിക്കാനാകാതെ പോയത് പാകിസ്താനിലും ചൈനയിലും ചര്‍ച്ചയായി.250 മുതല്‍ 300 കിലോമീറ്റര്‍ ദൂരെനിന്നുള്ള ആക്രമണങ്ങളെ പ്രതിരോധിക്കാന്‍ അതിന് സാധിക്കുമെന്നായിരുന്നു അവകാശവാദം. എച്ച്.ക്യു-16 40 കിലോമീറ്റര്‍ അകലെ വരെയുള്ള ലക്ഷ്യങ്ങളെയാണ് തകര്‍ക്കുക. പാക് വ്യോമപ്രതിരോധ സംവിധാനത്തിന്റെ നട്ടെല്ലായാണ് ഇതിനെ വിശേഷിപ്പിച്ചിരുന്നത്. എന്നാല്‍ ഇവ കിടയറ്റതാണെന്നും പരിശീലനം ലഭിക്കാത്തവര്‍ ഉപയോഗിച്ചതുകൊണ്ടാണ് തിരിച്ചടിയുണ്ടായതെന്നുമാണ് ചൈനീസ് മാദ്ധ്യങ്ങള്‍ അവകാശപ്പെടുന്നത്.