പാലക്കാട് സ്വകാര്യ ബസിൽ മായം കലർന്ന ഡീസൽ കടത്താൻ ശ്രമം; ഡ്രൈവറും ക്ലീനറും കസ്റ്റഡിയിൽ

പാലക്കാട്: പാലക്കാട് സ്വകാര്യ ബസിനുള്ളിൽ നിന്ന് മായം കലർന്ന ഡീസൽ (Diesel) പിടികൂടി. ബസിനുള്ളിൽ 3 ക്യാനുകളിലായി സൂക്ഷിച്ച ഡീസലാണ് പിടികൂടിയത്. നോർത്ത് പോലീസിനു ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മായം കലർന്ന ഡീസൽ കണ്ടെത്തിയത്. ഉടൻ തന്നെ ബസിന്റെ ഡ്രൈവറേയും ക്ലീനറേയും കസ്റ്റഡിയിൽ എടുത്തു. ഡീസൽ പരിശോധിച്ച ശേഷം കേസെടുക്കുമെന്ന് നോർത്ത് പോലീസ് അറിയിച്ചു.

എന്നാൽ കൊണ്ടോട്ടിക്കാരനായ ബസ് ഉടമ (Private Bus) ഫൈസൽ കയറ്റി വിട്ടതാണ് ഡീസൽ എന്നാണ് ജീവനക്കാർ പോലീസിന് നൽകിയ മൊഴിയിൽ പറയുന്നത്. അതേസമയം നേരത്തെ തൃശൂരിൽ നിന്നും സമാനമായ രീതിയിൽ മായം കലർന്ന ഡീസൽ പിടികൂടിയിരുന്നു.