2027 ൽ ഇലോൺ മസ്‌ക് ലോകത്തിലെ ആദ്യത്തെ ‘ട്രില്യണയർ’ ആകും ! മാർക്ക് സുക്കർബർഗിന് മുമ്പേ ഗൗതം അദാനി ട്രില്യണയറാകും ! റിപ്പോർട്ട് പുറത്ത് വിട്ട് ഇന്‍ഫോര്‍മ കണക്റ്റ് അക്കാദമി

ഇലോൺ മസ്‌ക് 2027 ഓടെ ലോകത്തിലെ ആദ്യത്തെ ‘ട്രില്യണയർ’ ആകുമെന്ന് ഇന്‍ഫോര്‍മ കണക്റ്റ് അക്കാദമിയുടെ പുതിയ റിപ്പോര്‍ട്ട്. മസ്കിന്റെ കമ്പനികളായ ടെസ്‌ല, സ്‌പേസ് എക്‌സ്, സോഷ്യൽ മീഡിയ പ്ലാറ്റ്‌ഫോമായ എക്‌സ് എന്നിവ വിശകലനം ചെയ്തതിൽ നിന്ന് മസ്‌കി​ൻറെ സമ്പത്ത് വർഷത്തിൽ ശരാശരി 110 ശതമാനം എന്ന നിരക്കിൽ വളരുന്നു എന്നാണ് ഇന്‍ഫോര്‍മ കണക്റ്റ് അക്കാദമി കണ്ടെത്തിയിരിക്കുന്നത്.

ട്രില്യണയർ പദവി നേടുന്ന രണ്ടാമത്തെയാളായി ഇന്ത്യയിലെ ഗൗതം അദാനി മാറുമെന്ന് അക്കാദമിയുടെ വിശകലനം സൂചിപ്പിക്കുന്നു. അദാനിയുടെ വാർഷിക വളർച്ചാ നിരക്ക് ഇപ്പോഴത്തെ 123 ശതമാനത്തിൽ തന്നെ തുടരുകയാണെങ്കിൽ 2028ൽ അത് സംഭവിക്കുമെന്നാണ് റിപ്പോർട്ട്.

ടെക് സ്ഥാപനമായ എൻവിഡിയയുടെ ചീഫ് എക്‌സിക്യൂട്ടിവ് ഓഫിസറായ ജെൻസൻ ഹുവാങ്, ഇന്തോനേഷ്യൻ ഊർജ-ഖനന വ്യവസായി പ്രജോഗോ പാൻഗെസ്റ്റു എന്നിവരും അവരുടെ വളർച്ച തുടരുകയാണെങ്കിൽ 2028ൽ ശതകോടീശ്വരന്മാരാകും. 2030ൽ ഒരു ട്രില്യൺ ഡോളർ നേടാനുള്ള പാതയിലാണ് മെറ്റയുടെ സിഇഒ മാർക്ക് സുക്കർബർഗ്. വൻതോതിലുള്ള സമ്പത്തി​ൻറെ ഇത്തരം ഏകീകരണം ഗുരുതരമായ സാമൂഹിക പ്രതിസന്ധിയായി മാറുമെന്ന ആശങ്കയും സാമ്പത്തിക വിദഗ്ധൻമാർക്കിടയിലുണ്ട്. ദരിദ്രരായ 66 ശതമാനത്തേക്കാൾ സമ്പന്നരായ ഒരു ശതമാനത്തി​ൻറെ വളർച്ച മനുഷ്യരാശിക്ക് കൂടുതൽ അപകടം വരുത്തുമെന്നും വിദഗ്ദർ അഭിപ്രായപ്പെടുന്നു.