പോലീസ് സ്റ്റേഷനിലും രക്ഷാപ്രവർത്തനം !!തിരുവനന്തപുരം വെഞ്ഞാറമ്മൂട്ടിൽ ഡിവൈഎഫ്ഐ പ്രവർത്തകർ കരുതൽ തടങ്കലിലായിരുന്ന യൂത്ത് കോൺഗ്രസ് പ്രവർത്തകരെ സ്റ്റേഷനിൽ കയറി മർദ്ദിച്ചു

തിരുവനന്തപുരം വെഞ്ഞാറമൂട്ടിൽ മുഖ്യമന്ത്രിയുടെ നവകേരള സദസിനു മുൻപ് കരുതൽ തടങ്കലിലാക്കാനായി സ്റ്റേഷനിലേക്ക് കൊണ്ടുവന്ന കോൺഗ്രസ് പ്രവർത്തകരെ ഡിവൈഎഫ്ഐ–സിപിഎം പ്രവർത്തകർ പോലീസ് സ്റ്റേഷനിൽ വച്ച് മർദ്ദിച്ചു. കോൺഗ്രസ് മണ്ഡലം പ്രസിഡന്റ് ഹരി, ബ്ലോക്ക് പ്രസിഡന്റ് ബിനു എസ്.നായർ എന്നിവർക്കാണ് ക്രൂരമർദ്ദനം.

വാമനപുരം മണ്ഡലത്തിൽ ഇന്ന് വൈകുന്നേരം 4.30നായിരുന്നു സദസ്സ്. സദസിനോടനുബന്ധിച്ച് ഉച്ചയ്ക്ക് 2 മണി മുതൽ എംസി റോഡിൽ ഗതാഗത നിയന്ത്രണം ഏർപ്പെടുത്തിയിരുന്നു. പ്രതിഷേധ സാധ്യത കണക്കിലെടുത്ത് വൈകുന്നേരം മൂന്നര മണിയോടെയാണ് കോൺഗ്രസ് നേതാക്കളെ കസ്റ്റഡിയിലെടുത്ത് പോലീസ് സ്റ്റേഷനിലേക്ക് കൊണ്ടുവന്നത്. ഇവരെ സ്റ്റേഷനിലേക്ക് കൊണ്ടുവന്നപ്പോൾ ഡിവൈഎഫ്ഐ –സിപിഎം പ്രവർത്തകർ സ്റ്റേഷൻ വളപ്പിലേക്ക് പാഞ്ഞു കയറി മർദിക്കുകയായിരുന്നു