ഉത്തരാഖണ്ഡിൽ ബസ് 200 അടി താഴ്ചയുള്ള മലയിടുക്കിലേക്ക് മറിഞ്ഞ് അപകടം ! 36 പേർക്ക് ദാരുണാന്ത്യം ; അന്വേഷണത്തിന് ഉത്തരവിട്ട് സംസ്ഥാനസർക്കാർ

ഡെറാഡൂണ്‍: ഉത്തരാഖണ്ഡിൽ ബസ് 200 അടി താഴ്ചയുള്ള മലയിടുക്കിലേക്ക് മറിഞ്ഞ് 36 പേർ മരിച്ചു. അല്‍മോറ ജില്ലയിലെ മർച്ചുലയിൽ ഇന്ന് രാവിലെ 8.25 ഓടെയായിരുന്നു അപകടം. ഗഢ്‌വാളില്‍ നിന്ന് കുമാവോണിലേയ്ക്ക് 45 യാത്രക്കാരുമായി പോകുകയായിരുന്ന ബസാണ് അപകടത്തിൽപ്പെട്ടത്. പരിക്കേറ്റ ഒമ്പത് പേരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഗുരുതരമായി പരിക്കേറ്റവരെ ആവശ്യമെങ്കില്‍ എയര്‍ലിഫ്റ്റ് ചെയ്യാനുള്ള നിർദ്ദേശം നല്‍കിയിട്ടുണ്ടെന്ന് മുഖ്യമന്ത്രി പുഷ്കർസിങ് ധാമി പറഞ്ഞു. പോലീസും ദുരന്തനിവാരണസേനയും സംഭവസ്ഥലത്തെത്തിയാണ് രക്ഷാപ്രവര്‍ത്തനം നടത്തിയത്.

അപകടത്തില്‍ മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപയും പരിക്കേറ്റവര്‍ക്ക് ഒരു ലക്ഷം രൂപയുംവീതം നല്‍കുമെന്ന് മുഖ്യമന്ത്രി പ്രഖ്യാപിച്ചു. ബസ് അപകടം സംബന്ധിച്ച് അന്വേഷണത്തിന് ഉത്തരവിട്ടിട്ടുണ്ട്.