കേന്ദ്രത്തിനു വഴങ്ങി ; ഒടുവിൽ ഇന്ത്യയിലെ പരാതി പരിഹാര ഓഫീസറെ നിയമിച്ച് ട്വിറ്റർ

ദില്ലി: ഇന്ത്യയിലെ പരാതി പരിഹാര ഓഫീസറായി വിനയ്​ പ്രകാശിനെ നിയമിച്ച്‌​ ട്വിറ്റര്‍. grievance-officer-in @ twitter.com എന്ന ഐഡിയിലൂടെ പരാതികള്‍ അറിയിക്കാമെന്നും ട്വിറ്റര്‍ പ്രത്യേകം ചൂണ്ടിക്കാട്ടി. വെബ്​സൈറ്റിലൂടെയാണ്​ ട്വിറ്റര്‍ അധികൃതർ ഇക്കാര്യം അറിയിച്ചത്​.

ട്വിറ്ററിന്​ ലഭിക്കുന്ന പരാതികളെ കുറിച്ച്‌​ കമ്പനി എല്ലാ മാസവും റിപ്പോര്‍ട്ട്​ തയാറാക്കണം ഇത് ഇന്ത്യന്‍ വിവരസാ​ങ്കേതിക നിയമപ്രകാരം ആയിരിക്കും തയ്യാറാക്കേണ്ടത്. കൂടാതെ പരാതികളില്‍ എടുത്ത നടപടികളും ഇതിലൂടെ വ്യക്​തമാക്കണം. ഇക്കാര്യങ്ങള്‍ ഇനി ചെയ്യേണ്ടത്​ പരാതി പരിഹാര ഓഫീസറുടെ ചുമതലയായിരിക്കും എന്ന് ട്വിറ്റർ അറിയിച്ചു.

അതേസമയം മേയ്​ 26 മുതല്‍ ജൂണ്‍ 25 വരെ ലഭിച്ച പരാതികളുടെ വിവരങ്ങളും കമ്പനി പ്രസിദ്ധീകരിച്ചിട്ടുണ്ട്​. മാത്രമല്ല അക്കൗണ്ടുമായി ബന്ധപ്പെട്ട വിവരങ്ങള്‍, അക്കൗണ്ട്​ വെരിഫിക്കേഷന്‍, അക്കൗണ്ട്​ ആക്​സസ്​, എന്നിവയെ സംബന്ധിച്ചാണ്​ കൂടുതല്‍ പരാതികള്‍ ലഭിച്ചിരിക്കുന്നതെന്നും ട്വിറ്റര്‍ അറിയിച്ചു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona