ദില്ലി:രാജ്യത്ത് സൈനികേതര സേവനത്തിനായി രൂപംകൊണ്ട തീരദേശ സേന സ്ഥാപിതമായിട്ട് ഇന്നേക്ക് 46 വര്ഷം. കേന്ദ്ര പ്രതിരോധ മന്ത്രാലയത്തിനു കീഴില് പ്രവര്ത്തിക്കുന്ന കോസ്റ്റ്ഗാര്ഡ് ഈ വര്ഷം 46-ാമത് റൈസിംഗ് ദിനമായി ആഘോഷിക്കുകയാണ്.
1977 ഫെബ്രുവരി ഒന്നിനാണ് ഇന്ത്യന്കോസ്റ്റ് ഗാര്ഡ് സ്ഥാപിച്ചത്. കോസ്റ്റ്ഗാര്ഡ് സമുദ്രപരിസ്ഥിതി സംരക്ഷണത്തിനും പരിപാലനത്തിലും ശ്രദ്ധകേന്ദ്രീകരിക്കുന്നു.
കൃത്രിമ ദ്വീപുകളുടെ സുരക്ഷയും സംരക്ഷണവും ഉറപ്പാക്കുക, കടലില് മത്സ്യത്തൊഴിലാളികള്ക്കും നാവികര്ക്കും സംരക്ഷണം, സഹായം, കള്ളക്കടത്ത് വിരുദ്ധ പ്രവര്ത്തനങ്ങള് നടത്തുന്നതിന് കസ്റ്റംസ് വകുപ്പിനെയും മറ്റ് അധികാരികളെയും സഹായിക്കുക എന്നിവയാണ് ഇന്ത്യൻ തീരസംരക്ഷണസേനയുടെ പ്രധാന പങ്ക്.
ഇന്ത്യന് കോസ്റ്റ് ഗാര്ഡിന്റെ തലവനായ ഡയറക്ടര് ജനറലിനു കീഴില് ഇന്സ്പെക്ടര് ജനറല് റാങ്കിലുള്ള നാല് ഡെപ്യൂട്ടി ഡയറക്ടര് ജനറല്മാരും മറ്റ് മുതിര്ന്ന ഉദ്യോഗസ്ഥരും ഡയറക്ടര് ജനറലിനെ സഹായിക്കുന്നു.
ഡയറക്ടര് ജനറലിന്റെ നേതൃത്വത്തില് പ്രവര്ത്തിക്കുന്ന കോസ്റ്റ് ഗാര്ഡ് എല്ലാ വര്ഷവും ഫെബ്രുവരി ഒന്നിന് കോസ്റ്റ് ഗാര്ഡ് റൈസിങ് ദിനമായി ആചരിക്കുന്നു.
നിലവിൽ വീരേന്ദര് സിംഗ് പതാനിയയാണ് ഇന്ത്യന് കോസ്റ്റ് ഗാര്ഡിന്റെ ഡയറക്ടര് ജനറല്. ഞങ്ങള് സംരക്ഷിക്കുന്നു എന്ന അര്ത്ഥംവരുന്ന വയം രക്ഷാം എന്ന സംസ്കൃതപദമാണ് കോസ്റ്റ്ഗാര്ഡിന്റെ മുദ്രാവാക്യം.
അതേസമയം ഇന്ത്യന് പാര്ലമെന്റിന്റെ കോസ്റ്റ് ഗാര്ഡ് ആക്റ്റ് പ്രകാരം 1977 ഫെബ്രുവരി ഒന്നിന് മാരിടൈം ലോ എന്ഫോഴ്സ്മെന്റ് ആന്ഡ് സെര്ച്ച് ആന്ഡ് റെസ്ക്യൂ ഏജന്സി ഔപചാരികമായി സ്ഥാപിതമായത്. തുടർന്ന് 1977 ഫെബ്രുവരി ഒന്നിന് ഒരു ഇടക്കാല ഇന്ത്യന് കോസ്റ്റ് ഗാര്ഡ് ആയിട്ടാണ് കോസ്റ്റ് ഗാര്ഡ് സ്ഥാപിച്ചത്.
ഇന്ന് ഇന്ത്യൻ നാവിക സേന , ഫിഷറീസ് വകുപ്പ്, റവന്യൂ വകുപ്പ്, കേന്ദ്ര-സംസ്ഥാന പോലീസ് സേനകള് എന്നിവയുമായി സഹകരിച്ചു പ്രവര്ത്തിക്കുകയാണ് ഇന്ത്യൻ തീരസംരക്ഷണ സേന.
വാഷിംഗ്ടൺ : രണ്ടാഴ്ച നീണ്ടുനിന്ന നാടകീയമായ നീക്കത്തിനൊടുവിൽ റഷ്യൻ എണ്ണക്കപ്പലായ 'മരിനേര' പിടിച്ചെടുത്ത് അമേരിക്കൻ സേന . ഉപരോധങ്ങൾ ലംഘിച്ച്…
ദില്ലി : 2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ഫെബ്രുവരി ഒന്നിന് അവതരിപ്പിക്കാൻ പാർലമെന്ററി കാര്യങ്ങൾക്കായുള്ള കാബിനറ്റ് കമ്മിറ്റി (CCPA)…
തിരുവനന്തപുരം യൂണിവേഴ്സിറ്റി കോളേജിലെ എസ്എഫ്ഐ യൂണിറ്റ് പിരിച്ചുവിട്ടു. എസ്എഫ്ഐ തിരുവനന്തപുരം ജില്ലാ സെക്രട്ടറിയേറ്റിന്റേതാണ് തീരുമാനം. നിരന്തരമുള്ള സംഘർഷങ്ങളിലും സംഘടനാവിരുദ്ധ പ്രവർത്തനങ്ങളിലും…
ഇസ്ലാമാബാദ് : പാകിസ്ഥാനിൽഹമാസ്, ലഷ്കർ-ഇ-തൊയ്ബ കമാൻഡർമാർ തമ്മിൽ കൂടിക്കാഴ്ച നടത്തിയതായി റിപ്പോർട്ട്. പലസ്തീൻ ഭീകര ഗ്രൂപ്പും ഇസ്ലാമിക് ഭീകര സംഘടനയായ…
ദില്ലി : തുർക്ക്മാൻ ഗേറ്റിന് സമീപമുള്ള ഫൈസ്-ഇ-ഇലാഹി പള്ളിക്ക് ചുറ്റുമുള്ള അനധികൃത നിർമ്മാണങ്ങൾ പൊളിച്ചുനീക്കാനുള്ള മുനിസിപ്പൽ കോർപ്പറേഷന്റെ നീക്കത്തിനിടെ വൻ…
ദില്ലി : പുതുവർഷത്തിന്റെ പശ്ചാത്തലത്തിൽ പ്രധാനമന്ത്രി നരേന്ദ്ര മോദിയും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവും ടെലിഫോണിൽ സംഭാഷണം നടത്തി. ഇരുരാജ്യങ്ങളിലെയും…