ബർമിംഗ്ഹാം: കോമണ്വെല്ത്ത് ഗെയിംസില് ഇന്ത്യക്ക് വീണ്ടും സ്വർണം. പത്തൊമ്പത് വയസുകാരന് ജെറിമി ലാൽറിന്നുംഗയുടെ വിസ്മയ പ്രകടനത്തോടെ ഇന്ത്യക്ക് അഞ്ചാം മെഡലാണ് സ്വന്തമായത്. ഭാരോദ്വഹനത്തിൽ പുരുഷന്മാരുടെ 67 കിലോവിഭാഗത്തിൽ ജെറിമി ലാൽറിന്നുംഗ ഗെയിംസ് റെക്കോര്ഡോടെ സ്വര്ണം നേടിയത്.
കരിയറിലെ തന്റെ ആദ്യ കോമണ്വെല്ത്ത് ഗെയിംസില് തന്നെ ജെറിമി ലാൽറിന്നുംഗ സ്വര്ണവുമായി വിസ്മയിപ്പിച്ചു. സ്നാച്ചില് 140 കിലോയും ക്ലീന് ആന്ഡ് ജെര്ക്കില് 160 കിലോയുമായി ആകെ 300 കിലോയാണ് ജെറിമി ലാൽറിന്നുംഗ ഉയര്ത്തിയത്. ജെറിമി ഉയര്ത്തിയ 300 കിലോ ഗെയിംസ് റെക്കോര്ഡാണ്. സ്നാച്ചിലെ ജെറിമിയുടെ 140 കിലോയും പുതിയ ഗെയിംസ് റെക്കോര്ഡായി മാറി. എന്നാല് മത്സരത്തിന്റെ അവസാന ഘട്ടത്തില് ജെറിമിക്ക് പരിക്കേറ്റത് ആശങ്കയാണ്.
കോമണ്വെല്ത്ത് ഗെയിംസില് ഇതുവരെ അഞ്ച് മെഡലുകളാണ് ഇന്ത്യ നേടിയിട്ടുള്ളത്. വനിതകളുടെ ഭാരദ്വേഹനത്തില് 49 കിലോഗ്രാം വിഭാഗത്തില് മീരാബായി ചനുവിലൂടെയാണ് ആദ്യ സ്വര്ണമെത്തിയത്. ഗെയിംസ് റെക്കോർഡോടെയാണ് മീരാബായി സ്വർണം നിലനിർത്തിയത്.
ആലപ്പുഴ മെഡിക്കൽ കോളജ് ആശുപത്രിയിൽ പ്രസവത്തെ തുടർന്ന് അണുബാധ ഉണ്ടായ യുവതി മരിച്ച സംഭവത്തിൽ അന്വേഷണത്തിന് ഉത്തരവിട്ട് ആരോഗ്യമന്ത്രി വീണ…
നാർക്കോട്ടിക് കൺട്രോൾ ബ്യൂറോയും (എൻസിബി) ഗുജറാത്ത് ഭീകര വിരുദ്ധ സേനയും ചേർന്ന് നടത്തിയ സംയുക്ത ഓപ്പറേഷനിൽ 90 കിലോയോളം മയക്കുമരുന്നുമായി…
തിരുവനന്തപുരം : കേരളത്തിലെ ലോക്സഭാ തെരഞ്ഞെടുപ്പ് നടത്തിപ്പിൽ ഗുരുതര വീഴ്ചയുണ്ടായെന്നാരോപിച്ച് പ്രതിപക്ഷ നേതാവ് വി.ഡി സതീശൻ കേന്ദ്ര തെരഞ്ഞെടുപ്പ് കമ്മിഷനു…
പാലക്കാട്: പാലക്കാട് എലപ്പുള്ളിയിൽ വയോധികയുടെ മരണം സൂര്യാഘാതമേറ്റത് മൂലമാണെന്ന് പോസ്റ്റുമോർട്ടം റിപ്പോർട്ട്. എലപ്പുള്ളി സ്വദേശി ലക്ഷ്മിയെയാണ് (90) വീടിന് സമീപത്തുള്ള…