ദുബായ് വിമാനത്തവാളത്തിൽ നിന്നുള്ള ദൃശ്യം
ദുബായ് : ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ വധത്തിന് പ്രതികാരമായി അമേരിക്കയ്ക്കും ഇസ്രായേലിനും പ്രത്യാക്രമണം തുടർന്ന് ഇറാൻ. ലോകത്തിലെ തന്നെ ഏറ്റവും തിരക്കേറിയ വിമാനത്താവളങ്ങളിൽ ഒന്നായ ദുബായ് ഇന്റർനാഷണൽ എയർപോർട്ടിന് നേരെ ഇറാൻ മിസൈൽ ആക്രമണം നടത്തി. ആക്രമണത്തെത്തുടർന്ന് വിമാനത്താവളത്തിന്റെ പ്രവർത്തനം പൂർണ്ണമായും നിർത്തിവെച്ചിരിക്കുകയാണ്. ദുബായിലെ വിഖ്യാതമായ പാം ജുമൈറ ദ്വീപിനും ആഡംബര ഹോട്ടലായ ബുർജ് അൽ അറബിനും നേരെയും ആക്രമണമുണ്ടായതായി റിപ്പോർട്ടുകളുണ്ട്. ഖത്തർ തലസ്ഥാനമായ ദോഹയിലും ദുബായിലും വലിയ സ്ഫോടനശബ്ദങ്ങൾ കേട്ടതായും വിവരങ്ങൾ പുറത്തുവരുന്നു. അമേരിക്കൻ സഖ്യകക്ഷികളായ അയൽരാജ്യങ്ങൾ ശത്രുപക്ഷത്ത് നിലയുറപ്പിച്ചാൽ പ്രത്യാഘാതം കഠിനമായിരിക്കുമെന്ന മുന്നറിയിപ്പാണ് ഈ നീക്കത്തിലൂടെ ഇറാൻ നൽകുന്നത്.
അമേരിക്കയും ഇസ്രായേലും ചേർന്ന് നടത്തിയ ‘ഓപ്പറേഷൻ എപിക് ഫ്യൂറി’ എന്ന സൈനിക നീക്കത്തിൽ ഖമേനി കൊല്ലപ്പെട്ടതിന് പിന്നാലെയാണ് ഇറാൻ തങ്ങളുടെ സൈനിക ചരിത്രത്തിലെ ഏറ്റവും വലിയ തിരിച്ചടി ആരംഭിച്ചിരിക്കുന്നത്. ഖമേനിയുടെ കൊലയാളികളെ വെറുതെ വിടില്ലെന്നും ഉചിതമായ ശിക്ഷ നൽകുമെന്നും ഇസ്ലാമിക് റെവല്യൂഷണറി ഗാർഡ് കോർപ്സ് പ്രഖ്യാപിച്ചു. ടെലിഗ്രാം സന്ദേശത്തിലൂടെയാണ് തങ്ങളുടെ പ്രതികാരം അതിഭീകരമായിരിക്കുമെന്ന് ഇറാൻ സൈന്യം മുന്നറിയിപ്പ് നൽകിയത്. ഇസ്രായേലിന് നേരെയും മേഖലയിലെ അമേരിക്കൻ സൈനിക താവളങ്ങൾക്ക് നേരെയും ഡ്രോണുകളും മിസൈലുകളും ഉപയോഗിച്ചുള്ള വിപുലമായ ആക്രമണമാണ് ഇറാൻ ഇപ്പോൾ നടത്തുന്നത്.
പശ്ചിമേഷ്യയിലെ സംഘർഷം ആഗോള സുരക്ഷയെ ബാധിക്കുമെന്ന ആശങ്കയിൽ ഐക്യരാഷ്ട്രസഭ സെക്രട്ടറി ജനറൽ അന്റോണിയോ ഗുട്ടെറസ് അടിയന്തരമായി യുദ്ധം അവസാനിപ്പിക്കണമെന്ന് ആവശ്യപ്പെട്ടു. യൂറോപ്യൻ യൂണിയനും റഷ്യയും സമാധാനത്തിനായി ആഹ്വാനം ചെയ്തിട്ടുണ്ടെങ്കിലും പശ്ചിമേഷ്യയിൽ യുദ്ധം വ്യാപിക്കുകയാണ്. ആണവ ചർച്ചകൾ പരാജയപ്പെട്ടതിനെത്തുടർന്ന് ആരംഭിച്ച ഈ സൈനിക നീക്കങ്ങൾ ലോകത്തെ മറ്റൊരു വൻയുദ്ധത്തിന്റെ വക്കിലെത്തിച്ചിരിക്കുകയാണ്. പ്രധാന വിമാനത്താവളങ്ങളും വ്യോമപാതകളും അടച്ചതോടെ അന്താരാഷ്ട്ര തലത്തിലുള്ള യാത്രകളും വ്യാപാരവും പൂർണ്ണമായും തടസ്സപ്പെട്ടിരിക്കുകയാണ്.
സഹകരണ മേഖലയ്ക്ക് പുതിയ ഉണർവേകി മഹാരാഷ്ട്രയിലെ പൂനെയിൽ രണ്ട് സുപ്രധാന പദ്ധതികൾക്ക് തുടക്കമിട്ട് കേന്ദ്ര ആഭ്യന്തര-സഹകരണ മന്ത്രി അമിത് ഷാ.…
ഭാരതീയ സ്വാതന്ത്ര്യസമര ചരിത്രത്തിലെ ധീരനായ യുവവിപ്ലവകാരികളിലൊരാളായ കർത്താർ സിംഗ് സരാഭയുടെ രക്തസാക്ഷിത്വ ദിനമാണ് നവംബർ 16. വെറും 19 വയസ്സുള്ളപ്പോൾ…
ഹൈദരാബാദിൽ സംഘടിപ്പിച്ച കോൺഗ്രസിന്റെ ഭാരത് സമ്മിറ്റ് 2026-ൽ ഇറ്റാലിയൻ രാഷ്ട്രീയ നേതാവായ ജിയാക്കോമോ ഫിലിബെക്ക് 'വോട്ട് ചോർ, ഗദ്ദി ഛോഡ്'…
ലോകപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ കാർത്തിക പൊങ്കാല മഹോത്സവത്തിന് മുന്നോടിയായുള്ള പവിത്രമായ കാർത്തിക സ്തംഭം ഉയർത്തൽ ചടങ്ങ് ഭക്തിനിർഭരമായി പൂർത്തിയായി.…
മനുഷ്യനെ യഥാർത്ഥ മനുഷ്യനായി ജീവിക്കാൻ പ്രാപ്തനാക്കുന്ന മഹത്തായ അറിവാണ് ഭാരതത്തിന്റെ പവിത്രമായ വേദങ്ങൾ പകർന്നുനൽകുന്നതെന്നും, ആ വേദപഠനത്തെ സാധാരണക്കാരിലേക്ക് എത്തിക്കുന്ന…
ആചാരാനുഷ്ഠാനങ്ങളുടെ പുണ്യവും ദേശഭക്തിയുടെ ഊർജ്ജവും നിറഞ്ഞുനിൽക്കുന്ന ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക സ്തംഭം ഉയർത്തുന്ന ചടങ്ങ് ഇന്ന് നടക്കും.…