ലെബനനിലെ ഹിസ്ബുള്ള കേന്ദ്രങ്ങൾക്ക് നേരെ ആക്രമണം ശക്തമാക്കി ഇസ്രയേൽ ! ഭീകരരുടെ റോക്കറ്റ് ലോഞ്ചറുകൾ അടക്കമുള്ളവ തകർത്തതായി ഐഡിഎഫ്

ടെൽ അവീവ് : ലെബനനിലെ ഹിസ്ബുള്ള കേന്ദ്രങ്ങൾക്ക് നേരെ ആക്രമണം ശക്തമാക്കി ഇസ്രയേൽ സൈന്യം. ഇസ്രയേലിനെ ലക്ഷ്യമിട്ട് മിസൈൽ തൊടുത്തുവിടുന്ന ഹിസ്ബുള്ളയുടെ ലെബനനിലെ കേന്ദ്രങ്ങൾക്ക് നേരെയായിരുന്നു ഇസ്രായേൽ സൈന്യത്തിന്റെ ആക്രമണം. സ്വയം പ്രതിരോധത്തിന്റെ ഭാഗമായാണ് ആക്രമണമെന്നാണ് ഇസ്രയേൽ സൈന്യം വിശദമാക്കുന്നത്. തീവ്രവാദികളുടെ കേന്ദ്രങ്ങളിലാണ് ആക്രമണം നടത്തിയതെന്ന് ഇസ്രയേൽ സൈനിക വക്താവ് ഡാനിയൽ ഹാഗാരി അറിയിച്ചു. ആക്രമണത്തിന് മുമ്പ് ഹിസ്ബുള്ള കേന്ദ്രങ്ങളിലുള്ള സാധാരണക്കാരായ ലെബനൻ സ്വദേശികളോടെ ഒഴിഞ്ഞ് പോകാൻ ഇസ്രയേൽ സൈന്യം മുന്നറിയിപ്പ് നൽകിയിരുന്നു.

വടക്കന്‍ ഇസ്രായേലില്‍ ഹിസ്ബുള്ളയുടെ റോക്കറ്റ് ആക്രമണം നടന്നതിന്റെ പിന്നാലെയാണ് ഇസ്രയേൽ സൈന്യത്തിന്റെ പ്രത്യാക്രമണം. ലെബനനില്‍ നിന്ന് 150 ലധികം റോക്കറ്റുകളാണ് ഇസ്രായേൽ ലക്ഷ്യമാക്കി പാഞ്ഞെത്തിയിരുന്നത്. ഇവയിൽ ഭൂരിഭാഗത്തെയും അയൺ ഡോം വ്യോമ പ്രതിരോധ സംവിധാനം തകർത്തു. ശേഷിച്ച 40 റോക്കറ്റുകൾ ഒഴിഞ്ഞ കെട്ടിടങ്ങളെ തകർത്തു. ഇതിൽ ആർക്കും പരിക്കേറ്റതായി നിലവിൽ വ്യക്തതയില്ല. കെട്ടിടങ്ങള്‍ക്ക് കേസുപാടുകൾ സംഭവിച്ചതായി ഇസ്രായേല്‍ സേന സ്ഥിരീകരിച്ചു. ഹിസ്ബുള്ളയുടെ കമാൻഡർ ഫുആദ് ഷുക്കറിനെ ഇസ്രയേൽ വധിച്ചതിന്റെ
പ്രത്യാക്രമണമാണ് കഴിഞ്ഞ ദിവസം നടത്തിയതെന്നാണ് ഹിസ്ബുള്ള വക്താക്കളുടെ പ്രതികരണം.

വടക്കൻ ഇസ്രയേലിൽ റോക്കറ്റുകൾ എത്തുന്നതായുള്ള മുന്നറിയിപ്പ് സൈറനുകൾ ഞാറാഴ്ച മുഴങ്ങിയിരുന്നു. 1 ഇസ്രയേൽ സൈനിക ആസ്ഥാനങ്ങൾക്കും ബാരക്കുകൾക്കുമെതിരെ 320 കട്യൂഷ റോക്കറ്റുകൾ അയച്ചതെന്നാണ് ഹിസ്ബുള്ള അവകാശപ്പെടുന്നത്.