ആഞ്ഞടിച്ച് ഇസ്രയേൽ !! ഹിസ്ബുള്ള വക്താവ് മുഹമ്മദ് അഫീഫ് കൊല്ലപ്പെട്ടതായി റിപ്പോർട്ട് ! ലെബനനിലെ സൈനിക നീക്കം തുടരുന്നു

ബയ്റൂത്ത് : ഹിസ്ബുള്ള വക്താവും സായുധ വിഭാഗത്തിന്റ പ്രധാനിയുമായിരുന്ന മുഹമ്മദ് അഫീഫിനെ ഇസ്രയേൽ വധിച്ചതായി റിപ്പോർട്ട്. മധ്യ ബയ്‌റുത്തിൽ ഞായറാഴ്ചയുണ്ടായ ആക്രമണത്തിലാണ് അഫീഫ് കൊല്ലപ്പെട്ടത്. ഹിസ്ബുള്ളയുടെ മീഡിയ ഓഫീസ് അഫീഫിന്റെ മരണത്തിൽ അനുശോചനം രേഖപ്പെടുത്തിയിട്ടുണ്ട്. നീണ്ടകാലം ഹിസ്ബുള്ളയുടെ മീഡിയ റിലേഷൻസ് വിഭാ​ഗം തലവനായി പ്രവർത്തിച്ച അഫീഫ്, തലവൻ ഹസ്സൻ നസ്രള്ളയുടെ വധത്തിന് ശേഷമാണ് സായുധ വിഭാഗത്തിന്റെ ചുമതലകൾ കൂടി ഏറ്റെടുത്തത്. ഹിസ്ബുള്ളയുടെ വാർത്താസമ്മേളനങ്ങൾക്കും പ്രസം​ഗങ്ങൾക്കും നേതൃത്വം നൽകിയിരുന്നതും അഫീഫായിരുന്നു.

അതിനിടെ, ലെബനന്റെ വടക്കൻഭാഗങ്ങളിൽ ഇസ്രയേൽ സൈന്യവും ഹിസ്ബുള്ളയും തമ്മിൽ ശക്തമായ ഏറ്റുമുട്ടൽ തുടരുകയാണ്. ഒന്നരമാസമായി ഹിസ്ബുള്ളയ്ക്കെതിരേ ലെബനന്റെ അതിർത്തിപ്രദേശങ്ങളിൽ കരയുദ്ധം നയിക്കുന്ന ഇസ്രയേൽ സൈന്യം കൂടുതൽ ഉൾപ്രദേശങ്ങളിലേക്ക് കടന്നു ചെല്ലുന്നത് ആദ്യമാണ്