ബംഗളൂരു: ചാന്ദ്രഭ്രമണപഥത്തിലൂടെ നീങ്ങുന്ന ചന്ദ്രയാന്-2 പകര്ത്തിയ ചന്ദ്രോപരിതലത്തിന്റെ കൂടുതല് ചിത്രങ്ങള് പുറത്തുവിട്ട് ഐ.എസ്.ആര്.ഒ. ഛിന്നഗ്രഹങ്ങള്, ഉല്ക്കകള് തുടങ്ങിയവ പതിച്ചുണ്ടായ ചന്ദ്രോപരിതലത്തിലെ ഗര്ത്തങ്ങളുടെ കൂടുതല് വ്യക്തതയുള്ള ചിത്രങ്ങളാണ് തിങ്കളാഴ്ച പുറത്തുവിട്ടത്. പേടകത്തിലെ ടെറൈന് മാപ്പിങ് കാമറ-2 (ടി.എം.സി-2) ആഗസ്റ്റ് 23ന് രാത്രി 7.42ന് ചന്ദ്രനില്നിന്ന് 4375 കിലോമീറ്റര് മാത്രം അകലെനിന്ന് പകര്ത്തിയ ചിത്രങ്ങളാണിവ.
ജാക്സന്, മിത്ര, മാക്, കൊറോലേവ്, സോമര്ഫെല്ഡ്, കിര്ക്വുഡ്, പ്ലാസ്കെറ്റ്, റോസ്ദെസ്റ്റെവെന്സ്കി, ഹെര്മൈറ്റ് തുടങ്ങിയ ഗര്ത്തങ്ങളാണ് ചിത്രത്തില് പതിഞ്ഞത്.71 കിലോമീറ്റര് വ്യാസത്തില് ഉത്തര അര്ധഗോളത്തിലാണ് ജാക്സന് ഗര്ത്തമുള്ളത്. 92 കിലോമീറ്റര് വ്യാസമുള്ള മിത്ര ഗര്ത്തത്തിന് ഇന്ത്യന് ഭൗതികശാസ്ത്രജ്ഞനായ പ്രഫ. ശിശിര് കുമാര് മിത്രയുടെ പേരാണ് നല്കിയിരിക്കുന്നത്.
437 കിലോമീറ്റര് വ്യാസത്തിലുള്ള വലിയ ഗര്ത്തമായ കൊറോലേവില് അനേകം ചെറിയ ഗര്ത്തങ്ങളുമുണ്ട്. 169 കിലോമീറ്റര് വ്യാസമുള്ള വലിയ ഗര്ത്തമായ സോമര്ഫെല്ഡിനു ചുറ്റും വൃത്താകൃതിയിലുള്ള കുന്നുകളും ചെറു ഗര്ത്തങ്ങളുമുണ്ട്. ജര്മന് ഭൗതികശാസ്ത്രജ്ഞനായ അര്ണോള്ഡ് സോമര്ഫെല്ഡിന്റെ പേരിലാണ് ഈ ഗര്ത്തം അറിയിപ്പെടുന്നത്. അമേരിക്കന് ജ്യോതിശാസ്ത്രജ്ഞനായ ഡാനിയേല് കിര്ക്വുഡിന്റെ പേരിലുള്ള ഗര്ത്തത്തിന് 68 കിലോമീറ്റര് വ്യാസമാണുള്ളത്. സൗരയൂഥത്തിലെ ഏറ്റവും തണുത്ത പ്രദേശങ്ങളിലൊന്നാണ് ചന്ദ്രനിലെ ഉത്തരധ്രുവത്തിലുള്ള ഹെര്മൈറ്റ് എന്ന പേരിലുള്ള ഗര്ത്തം.
ചന്ദ്രയാന്-2ലെ വിക്രം ലാന്ഡറിലെ എല്.ഐ ഫോര് കാമറ പകര്ത്തിയ ചന്ദ്രന്റെ ആദ്യചിത്രം കഴിഞ്ഞദിവസം ഐ.എസ്.ആര്.ഒ പുറത്തുവിട്ടിരുന്നു. ഇതിനു പിന്നാലെയാണ് കൂടുതല് ചിത്രങ്ങള് എത്തിയത്. അതേസമയം, ചന്ദ്രയാന്-2ന്റെ ഭ്രമണപഥം മാറ്റുന്ന ദൗത്യം ബുധനാഴ്ച പുലര്ച്ച 5.30നും 6.30നും ഇടയില് നടക്കും. ഇതോടെ ചന്ദ്രയാന്-2 ചന്ദ്രനോട് കൂടുതല് അടുക്കും.
ആർഎംപി നേതാവ് കെ എസ് ഹരിഹരന്റെ വീടിന് നേരെ ആക്രമണം. സ്കൂട്ടറിലെത്തിയ സംഘം വീടിന് നേരെ സ്ഫോടക വസ്തു എറിഞ്ഞു.…
കരമന അഖിൽ വധക്കേസിൽ മുഖ്യപ്രതികളിലൊരാളായ സുമേഷും പിടിയിലായി. തിരുവനന്തപുരം കൊച്ചുവേളിയിൽ നിന്നാണ് ഇയാളെ കസ്റ്റഡിയിലെടുത്തത്. ഇതോടെ കൊലപാതകത്തിൽ നേരിട്ട് പങ്കെടുത്ത…
ബാഹ്യ സമ്മർദ്ദങ്ങളെ ഭയന്ന് കോൺഗ്രസ് തുലാസിലാക്കിയത് രാജ്യത്തിന്റെ സുരക്ഷ I OTTAPRADAKSHINAM #vajpayee #rvenkittaraman #congress #bjp
ഛത്തീസ്ഗഡിൽ മാവോയിസ്റ്റുകൾ നടത്തിയ ഐഇഡി സ്ഫോടനത്തിൽ യുവതി കൊല്ലപ്പെട്ടു. ബിജാപൂർ ജില്ലയിൽ നടന്ന സ്ഫോടനത്തിൽ ഗാംഗലൂർ സ്വദേശിയായ ശാന്തി പൂനം…
തെരഞ്ഞെടുപ്പ് അട്ടിമറിക്കാൻ നടക്കുന്ന വിദേശ ശ്രമങ്ങളെ കയ്യോടെ പൊക്കി മോദി ? വിശദമായ റിപ്പോർട്ട് പ്രധാനമന്ത്രിയുടെ മേശപ്പുറത്ത്
മൂവാറ്റുപുഴയില് എട്ടുപേരെ കടിച്ച നായ ചത്തു. പേവിഷ ബാധയുണ്ടോ എന്ന സംശയമുയർന്നതിനെത്തുടർന്ന് നായയെ നഗരസഭാ കോമ്പൗണ്ടിൽ പത്ത് ദിവസത്തേക്ക് നിരീക്ഷണത്തിനായി…