ആർക്കെങ്കിലും വോട്ട് കുത്തിയിട്ട് കാര്യമില്ല ! തിരുവനന്തപുരത്തിനു വേണ്ടി സംസാരിക്കാൻ ലോക്സഭയിൽ ഒരു എംപി വേണം ; പ്രധാനമന്ത്രി നരേന്ദ്ര മോദിയുടെ കരങ്ങൾക്ക് കരുത്തേകാൻ രാജീവ് ചന്ദ്രശേഖറിനെ വിജയിപ്പിക്കണമെന്ന് സിനിമ നടനും സംവിധായകനുമായ മേജർ രവി

തിരുവനന്തപുരം : കേന്ദ്രമന്ത്രിയും തിരുവനന്തപുരം എൻ ഡി എ സ്ഥാനാർത്ഥിയുമായ രാജീവ് ചന്ദ്രശേഖറിനെ പിന്തുണച്ച് സിനിമ നടനും സംവിധായകനുമായ മേജർ രവി. കാര്യങ്ങൾ ചെയ്യാൻ കഴിവുള്ളവുള്ളവനാണ് രാജീവ് ചന്ദ്രശേഖർ. രാജീവ് ചന്ദ്രശേഖറിന് പത്ത് പൈസ കട്ട് മുടിച്ച് കൊണ്ടു പോകേണ്ട ആവശ്യമില്ല. അദ്ദേഹം തിരുവനന്തപുരത്ത് നിന്ന് ജയിച്ചാൽ അത് കേരളത്തിലെ മറ്റ് മണ്ഡലങ്ങൾക്കും ഗുണം ചെയ്യും. അതിനാൽ പ്രധാനമന്ത്രി നരേന്ദ്ര മോദിയുടെ കരങ്ങൾക്ക് കരുത്തേകാൻ രാജീവ് ചന്ദ്രശേഖറിനെ വിജയിപ്പിക്കണമെന്ന് മേജർ രവി തന്റെ ഫേസ്ബുക്കിൽ കുറിച്ചു.

തിരുവനന്തപുരത്തിനു വേണ്ടി സംസാരിക്കാൻ ലോക്സഭയിൽ ഒരു എം.പി വേണം. അത് രാജീവ് ചന്ദ്രശേഖറായാൽ ജനങ്ങൾ തന്നിൽ അർപ്പിച്ച വിശ്വാസം രാജീവ് ചന്ദ്രശേഖർ നേരിട്ട് മോദിയിലെത്തിക്കും. മോദിയുമായി നല്ല ബന്ധം രാജീവ് ചന്ദ്രശേഖറിനുള്ളതിനാൽ അതിൻ്റെ ഗുണം തിരുവനന്തപുരത്തിന് കിട്ടുമെന്നും മേജർ രവി പറയുന്നു. ആർക്കെങ്കിലും വോട്ട് കുത്തിയിട്ട് കാര്യമില്ലെന്നും മറ്റുള്ളവർ ജയിച്ചാൽ തിരുവനന്തപുരത്ത് നിന്ന് വിമാനം കയറി ദില്ലിയിൽ പോയി തിരിച്ചുവരാമെന്നല്ലാതെ ഒരു നേട്ടവുമുണ്ടാകില്ലെന്നും മേജർ രവി പറയുന്നു. അതേസമയം, അടുത്ത അഞ്ച് വർഷത്തെ വികസനമാണ് പിന്നീടുള്ള പതിനഞ്ച് വർഷം ഉണ്ടാവുക. അതുകൊണ്ട് തിരുവനന്തപുരത്തുകാർ ചെയ്യുന്ന ഓരോ വോട്ടും അടുത്ത തലമുറയ്ക്കുള്ള വോട്ടാണ് എന്നും മേജർ രവി കുറിപ്പിൽ പറയുന്നു.

ഫേസ്ബുക്ക് കുറിപ്പിന്റെ പൂർണ്ണരൂപം :

രാജീവ് ചന്ദ്രശേഖർ ജയിക്കേണ്ടത് അനിവാര്യം. രാജീവ് ചന്ദ്രശേഖർ തിരുവനന്തപുരത്ത് ജയിക്കേണ്ടത് തിരുവനന്തപുരത്തെ ഓരോ വോട്ടർമാരുടെയും കടമയാണ്. അദ്ദേഹം ജയിച്ചാൽ തിരുവനന്തപുരത്ത് വികസനത്തിൻ്റെ അത്ഭുതമായിരിക്കും ഉണ്ടാവുക.
പ്രധാനമന്ത്രി നരേന്ദ്ര മോദിയെയാണ് ഇന്ത്യ മുഴുവൻ നോക്കി കാണുന്നത്. മോദിയുടെ കരങ്ങൾക്ക് ശക്തി പകരാൻ രാജീവ് ചന്ദ്രശേഖറിനെയും വിജയിപ്പിച്ചയക്കണം. തിരുവനന്തപുരത്തിനു വേണ്ടി സംസാരിക്കാൻ ലോക്സഭയിൽ ഒരു എം.പി വേണം. അത് രാജീവ് ചന്ദ്രശേഖറായാൽ ജനങ്ങൾ തന്നിൽ അർപ്പിച്ച വിശ്വാസം രാജീവ് ചന്ദ്രശേഖർ നേരിട്ട് മോദിയിലെത്തിക്കും. മോദിയുമായി നല്ല ബന്ധം രാജീവ് ചന്ദ്രശേഖറിനുള്ളതിനാൽ അതിൻ്റെ ഗുണം തിരുവനന്തപുരത്തിന് കിട്ടും.

കാര്യങ്ങൾ ചെയ്യാൻ രാജീവ് ചന്ദ്രശേഖർ കഴിവുള്ളവുള്ളവനാണ്. രാജീവ് ചന്ദ്രശേഖറിന് പത്ത് പൈസ കട്ട് മുടിച്ച് കൊണ്ടു പോകേണ്ട ആവശ്യമില്ല. അദ്ദേഹം തിരുവനന്തപുരത്ത് നിന്ന് ജയിച്ചാൽ അത് കേരളത്തിലെ മറ്റ് മണ്ഡലങ്ങൾക്കും ഗുണം ചെയ്യും. ജയിക്കേണ്ട സ്ഥാനാർത്ഥി രാജീവ് ചന്ദ്രശേഖർ തന്നെ എന്നതിൽ ഒരു സംശയവുമില്ല. ആർക്കെങ്കിലും വോട്ട് കുത്തിയിട്ട് കാര്യമില്ല. തിരുവനന്തപുരത്ത് നിന്ന് വിമാനം കയറി ഡൽഹിയിൽ പോയി തിരിച്ചുവരാമെന്നല്ലാതെ ഒരു നേട്ടവുമുണ്ടാകില്ല. അടുത്ത അഞ്ച് വർഷത്തെ വികസനമാണ് പിന്നീടുള്ള പതിനഞ്ച് വർഷം ഉണ്ടാവുക. അതുകൊണ്ട് തിരുവനന്തപുരത്തുകാർ ചെയ്യുന്ന ഓരോ വോട്ടും അടുത്ത തലമുറയ്ക്കുള്ള വോട്ടാണ്. തിരുവനന്തപുരത്ത് രാജീവ് ചന്ദ്രശേഖർ ജയിക്കാനുള്ള സാധ്യതയാണ്. ജനങ്ങൾ വെറുക്കുന്നത് അഴിമതിയെയാണ്. രാജീവ് ചന്ദ്രശേഖറിന് അഴിമതി നടത്തേണ്ട കാര്യമില്ല. കഴിഞ്ഞ പത്ത് വർഷം തിരുവനന്തപുരത്ത് ഒരു വികസനവും നടന്നില്ല, അത് ആവർത്തിക്കണമോ, അതോ വികസനത്തിൻ്റെ പെരുമഴക്കാലം വരണമോ എന്നാണ് വോട്ട് ചെയ്യുമ്പോൾ ചിന്തിക്കേണ്ടത്.