അമേരിക്ക നൽകിയ ക്ലസ്റ്റർ ബോംബുകൾ കയ്യിൽ വച്ചിരുന്നാൽ മതി ; പ്രയോഗിച്ചാൽ ചുട്ടമറുപടി ഉറപ്പ് ! യുക്രെയ്‌ന് മുന്നറിയിപ്പുമായി പുട്ടിൻ

റഷ്യൻ സൈന്യത്തിന് നേരെ അമേരിക്ക നൽകിയ ക്ലസ്റ്റർ ബോംബുകൾ അവർ പ്രയോഗിച്ചാൽ ശക്തമായ തിരിച്ചടിയുണ്ടാകുമെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ മുന്നറിയിപ്പ് യുക്രെയ്ൻ സർക്കാരിന് മുന്നറിയിപ്പ് നൽകി. ക്ലസ്റ്റർ ബോംബുകളുടെ വൻശേഖരം തകങ്ങള്ക്കുണ്ടെന്നും നിലവിൽ ഇത് വരെ യുക്രെയ്നിൽ അവ പ്രയോഗിക്കേണ്ട ആവശ്യം ഉണ്ടായിട്ടില്ലെന്നും പുട്ടിൻ ഒരു മാദ്ധ്യമത്തിന് അനുവദിച്ച അഭിമുഖത്തിൽ പറഞ്ഞു. അതെ സമയം അമേരിക്ക ഏറെ ആലോചനകൾക്ക് ശേഷം വാഗ്ദാനം ചെയ്ത ക്ലസ്റ്റർ ബോംബുകൾ യുക്രെയ്നിലെത്തിയിട്ടുണ്ട്.

ക്ലസ്റ്റർ ബോംബുകൾ പ്രയോഗിച്ചാൽ ചെറുബോംബുകളിൽ ചിലത് പൊട്ടാതെ അവശേഷിക്കുമെന്നതിനാൽ മനുഷ്യാവകാശ സംഘടനകളും അമേരിക്കയുടെ തന്നെ ചില സഖ്യകക്ഷികളും ഇതിന്റെ ഉപയോഗത്തെ എതിർക്കുന്നുണ്ട്. അതേസമയം കിഴക്കൻ യുക്രെയ്നിൽ പോരാട്ടം അതിശക്തമായി തുടരുകയാണ്. ക്രൈമിയ അതിർത്തിയിൽ ഷെല്ലാക്രമണത്തിൽ ഒരു സ്ത്രീ കൊല്ലപ്പെട്ടതായി റഷ്യയുടെ ബെൽഗൊറോദ് ഗവർണർ വ്യക്തമാക്കി.

ക്ലസ്റ്റർ ബോംബുകൾ വിമാനത്തിൽ നിന്നോ കടലിൽ നിന്നോ പ്രയോഗിക്കാവുന്ന അല്ലെങ്കിൽ വിക്ഷേപിക്കാനാവുന്ന ബോംബുകളാണ്, പതിനായിരക്കണക്കിന് ചെറു ബോംബുകൾ ഓരോ ക്ലസ്റ്റർ ബോംബിലും അടങ്ങിയിട്ടുണ്ട്. ഫുട്ബോൾ മൈതാനത്തിന്റെ വലുപ്പത്തിലുള്ള ഒരു പ്രദേശത്തെ മുഴുവൻ നശിപ്പിക്കാൻ ഇവയ്ക്ക് സാധിക്കും.