ലഖ്നൗ: പ്രശസ്ത നടി ജയപ്രദ ബി.ജെ.പിയിലേക്കെന്ന് റിപ്പോര്ട്ട്. തിങ്കളാഴ്ച പാര്ട്ടിയില് അംഗത്വമെടുക്കുമെന്നും ജയപ്രദ ലോക്സഭ തിരഞ്ഞെടുപ്പില് സ്ഥാനാര്ഥിയാകുമെന്നും ഉത്തര്പ്രദേശിലാകും മത്സരിക്കുകയെന്നും ദേശീയമാധ്യമങ്ങള് റിപ്പോര്ട്ട് ചെയ്തു.
നേരത്തെ സമാജ് വാദി പാര്ട്ടിയിലായിരിക്കെ രണ്ടുതവണ വിജയിച്ച ഉത്തര്പ്രദേശിലെ രാംപുരില് നിന്നായിരിക്കും ജയപ്രദ മത്സരിക്കുകയെന്നാണ് വിവരം. നിലവില് ബി.ജെ.പിയുടെ സിറ്റിങ് സീറ്റായ രാംപുരില് ഡോ.നേപാല് സിങാണ് എം.പി. ഇത്തവണ നേപാല് സിങിന് പകരം സിനിമാതാരവും മുന് എം.പി.യുമായ ജയപ്രദയെ മത്സരത്തിനിറക്കി മണ്ഡലം നിലനിര്ത്താമെന്നാണ് ബി.ജെ.പി.യുടെ പ്രതീക്ഷ.
തെലുങ്കുദേശം പാര്ട്ടിയിലൂടെയാണ് ജയപ്രദ രാഷ്ട്രീയത്തില് പ്രവേശിച്ചത്. ചന്ദ്രബാബു നായിഡുവിന്റെ വിശ്വസ്തയായി മാറിയ ജയപ്രദ ആന്ധ്രാപ്രദേശില്നിന്ന് രാജ്യസഭാംഗമായി. തെലുങ്ക് മഹിളാ സംഘടനയുടെ അധ്യക്ഷ പദവിയും വഹിച്ചു. പിന്നീട് ചന്ദ്രബാബു നായിഡുവുമായുള്ള അഭിപ്രായവ്യത്യാസത്തെ തുടര്ന്ന് പാര്ട്ടിവിട്ട ജയപ്രദ സമാജ് വാദി പാര്ട്ടിയില് ചേര്ന്നു. ആന്ധ്രയില്നിന്ന് ഉത്തര്പ്രദേശിലെത്തിയ അവര് രണ്ടുതവണ രാംപുരില്നിന്ന് മത്സരിച്ച് ലോക്സഭാംഗമായി.
ഇതിനിടെ പാര്ട്ടിയിലെ മുതിര്ന്ന നേതാവായ അസംഖാന് തന്റെ നഗ്നചിത്രങ്ങള് പ്രചരിപ്പിച്ചെന്ന നടിയുടെ ആരോപണം ഏറെ വിവാദമായിരുന്നു. ഇതിനുപിന്നാലെ പാര്ട്ടിയില്നിന്ന് പുറത്താക്കപ്പെട്ട ജയപ്രദ അമര്സിങിനൊപ്പം ആര്.എല്.ഡിയില് ചേര്ന്നു. 2014-ലെ ലോക്സഭ തിരഞ്ഞെടുപ്പില് ബിജ്നോറില് മത്സരിച്ചെങ്കിലും പരാജയപ്പെട്ടു.
ദില്ലി: തെരഞ്ഞെടുപ്പിൽ കോൺഗ്രസ് കനത്ത തിരിച്ചടിയാണ് നേരിടാൻ പോകുന്നതെന്ന് കേന്ദ്ര ആഭ്യന്തര മന്ത്രി അമിത് ഷാ. വോട്ടെണ്ണൽ ദിവസമായ ജൂൺ…
കോട്ടയം: വാകത്താനത്ത് സഹപ്രവര്ത്തകനായ അസം സ്വദേശിയെ കൊലപ്പെടുത്തിയ കേസില് തമിഴ്നാട് സ്വദേശി അറസ്റ്റിൽ. തമിഴ്നാട് സ്വദേശിയായ പാണ്ടി ദുരൈ (29)…
ലക്നൗ: മതാടിസ്ഥാനത്തിൽ സംവരണം നടപ്പാക്കി രാജ്യത്ത് താലിബാൻ ഭരണം നടപ്പാക്കാനാണ് കോൺഗ്രസ് ശ്രമിക്കുന്നതെന്ന് യുപി മുഖ്യമന്ത്രി യോഗി ആദിത്യനാഥ്. മുഗൾ…
കോഴിക്കോട്: വടകരയിൽ നിന്ന് കാണാതാകുന്ന യുവാക്കളെ ഒഴിഞ്ഞ സ്ഥലങ്ങളിൽ മരിച്ച നിലയിൽ കണ്ടെത്തുന്നതിൽ ആശങ്ക ഉയരുന്നു. ഒന്നര മാസത്തിനിടെ നാല്…
ദില്ലി: ദിവസങ്ങള് നീണ്ട അനിശ്ചിതത്വങ്ങള്ക്ക് വിരാമമിട്ട് ലോക്സഭ തെരഞ്ഞെടുപ്പില് പാര്ട്ടി നേതാവ് രാഹുല് ഗാന്ധി റായ്ബറേലിയില് നിന്ന് മത്സരിക്കുമെന്ന് കോണ്ഗ്രസ്…
ദില്ലി: പൗരത്വ ഭേദഗതി നിയമപ്രകാരം കുടിയേറ്റക്കാർക്ക് തെരഞ്ഞെടുപ്പിന്റെ അവസാനഘട്ടത്തിന് മുൻപ് തന്നെ പൗരത്വം നൽകുമെന്ന് കേന്ദ്ര ആഭ്യന്തര മന്ത്രി അമിത്…