ലോകത്തിലെ ഏറ്റവും വലിയ പീരങ്കി നിർമ്മാണ കേന്ദ്രമായ കല്യാണി ഗ്രൂപ്പ് പ്രതിദിനം ഒരു തോക്ക് വീതം നിർമ്മിക്കാൻ ഒരുങ്ങുന്നു ; യുഎസിലെ ജനറൽ അറ്റോമിക്‌സുമായി ധാരണാപത്രം ഒപ്പുവെച്ച് കല്യാണി ഗ്രൂപ്പ്

ലോകത്തിലെ ഏറ്റവും വലിയ പീരങ്കി നിർമ്മാണ കേന്ദ്രമായ കല്യാണി ഗ്രൂപ്പ് പ്രതിദിനം ഒരു തോക്ക് വീതം നിർമ്മിക്കാൻ ഒരുങ്ങുന്നു . പൂനെയാണ് കല്യാണി ഗ്രൂപ്പിന്റെ ആസ്ഥാനം. കല്യാണി ഗ്രൂപ്പ് ചെയർമാൻ ബാബാ കല്യാണി ഗാന്ധിനഗറിൽ നടന്ന ഡെഫ് എക്സപ്പോ 2022ലാണ് ഇക്കാര്യം പറഞ്ഞത്.

വലിയ തോക്കുകളുടെ അതേ അഗ്നിശക്തിയുള്ള, ഭാരം കുറഞ്ഞ തോക്കുകൾ നിർമ്മിക്കാനുള്ള സാങ്കേതികവിദ്യ കല്യാണി ഗ്രൂപ്പിനുണ്ടെന്നും അത്തരം തോക്കുകൾക്ക് ആഗോളതലത്തിൽ ആവശ്യക്കാരുണ്ടെന്നും അദ്ദേഹം പറഞ്ഞു.

കല്യാണി ഗ്രൂപ്പിന്റെ സാങ്കേതിക പരിഹാര ദാതാക്കളായ ഭാരത് ഫോർജ് ലിമിറ്റഡ്, വിവിധ വൈദ്യുതകാന്തിക പോർട്ട്‌ഫോളിയോയുടെ ഗവേഷണത്തിനും രൂപകൽപ്പനയിലും നിർമ്മാണത്തിനുമായി യുഎസിലെ ജനറൽ അറ്റോമിക്‌സുമായി ധാരണാപത്രം ഒപ്പുവച്ചു.

ഇന്നലെ ഒപ്പുവച്ച ധാരണാപത്രത്തിന്റെ നിബന്ധനകൾ പ്രകാരം, ഭാരത് ഫോർജും ജനറൽ അറ്റോമിക്‌സിന്റെ ഇലക്‌ട്രോമാഗ്നറ്റിക് സിസ്റ്റംസ് ഗ്രൂപ്പും ഇന്ത്യൻ നാവികസേനയുടെ ആവശ്യകതകൾ പരിഹരിക്കുന്നതിനായി നാവിക പ്ലാറ്റ്‌ഫോമുകൾക്കായുള്ള ലിഥിയം-അയൺ ബാറ്ററി സിസ്റ്റത്തിനായി സഹകരിക്കും. സ്ഥിരമായ മാഗ്നറ്റ് മോട്ടോറുകളുടെ മേഖലയിൽ പരസ്പരം പങ്കാളികളാകാനും കക്ഷികൾ സമ്മതിച്ചിട്ടുണ്ട്.

‘ ഇന്ത്യയെ സ്വയം പര്യാപ്തരാക്കുക എന്ന ലക്ഷ്യത്തോടെ, രാജ്യത്ത് മികച്ച സാങ്കേതിക വിദ്യകൾ കൊണ്ടുവരുന്നതിനായി ഞങ്ങൾ അക്ഷീണം പ്രയത്നിക്കുകയാണ്. നാവിക പ്ലാറ്റ്‌ഫോമുകൾ/അന്തർവാഹിനികൾ എന്നിവയ്‌ക്കായുള്ള ഇൻ-സർവീസ് ലി-അയൺ ബാറ്ററി സൊല്യൂഷനുകളുടെ മാർക്കറ്റ് ലീഡറാണ് ജി എ, ജനറൽ അറ്റോമിക്‌സുമായുള്ള ഞങ്ങളുടെ പങ്കാളിത്തം ഇന്ത്യയെ സ്വയംപര്യാപ്‌ത്തമാക്കാനാണ്. ‘ ബാബ കല്യാണി പറഞ്ഞു .

10 വർഷത്തെ കഠിനമായ ഗവേഷണത്തിന് ശേഷമാണ് തന്റെ കമ്പനി ലിഥിയം ബാറ്ററി സംവിധാനം വികസിപ്പിച്ചതെന്നും ,പേരുകേട്ട ഭാരത് ഫോർജ് പോലുള്ള കമ്പനികളുമായി ചേർന്ന് പ്രവർത്തിക്കാൻ തീരുമാനിച്ചതെന്നും അദ്ദേഹം പറഞ്ഞു.