30 ലക്ഷം രൂപയോളം വിലവരുന്ന മാരക ലഹരി മരുന്നുകളുമായി യുവാവ് പള്ളിക്കൽ പോലീസിന്റെ പിടിയിൽ

തിരുവനന്തപുരം: 30 ലക്ഷം രൂപയോളം വിലവരുന്ന മാരക ലഹരി മരുന്നയായ MDMA യും കഞ്ചാവുമായി യുവാവ് പള്ളിക്കൽ പോലീസിന്റെ പിടിയിൽ . നാവായിക്കുളം ക്ഷേത്രത്തിനു സമീപം അമരാവതി വീട്ടിൽ വാടകയ്ക്ക് താമസിക്കുന്ന അഖിൽകൃഷ്ണൻ ( 24 ) ആണ് അറസ്റ്റിലായത് . 06-06-2022 ന് കടമ്പാട്ടുകോണം ഇലങ്കം ക്ഷേത്രത്തിനു സമീപം കുളമട റോഡിൽ യുവാവ് MDMA വില്പനയ്ക്കായി കൊണ്ടുവരുന്നതായി വിശ്വസനീയ വിവരം ലഭിച്ചതിന്റെ അടിസ്ഥാനത്തിൽ നടത്തിയ പരിശോധനയിൽ പള്ളിക്കൽ സി ഐ ശ്രീജിത്തിന്റെ നേതൃത്വത്തിൽ പ്രതിയെ അറസ്റ്റ് ചെയ്തത് . പ്രതിയുടെ കൈവശം നിന്നും 20 ഗ്രാം MDMA യും 100 ഗ്രാം കഞ്ചാവും പിടിച്ചെടുത്തു . MDMA വാണിജ്യാടിസ്ഥാനത്തിലുള്ള അളവാണ് . നിലവിൽ മാർക്കറ്റിൽ 30 ലക്ഷത്തോളം രൂപ വില വരും . പ്രതിയുടെ പക്കൽ നിന്നും ഡിജിറ്റൽ ത്രാസ് , ആയിരത്തിലധികം കവറുകൾ , 8000 രൂപ എന്നിവ പിടിച്ചെടുത്തു . റൂറൽ ജില്ലാ പോലീസ് മേധാവി ദിവ്യാ വി . ഗോപിനാഥിന്റെ നിർദ്ദേശപ്രകാരം ജില്ലയിൽ NDPS ഡ്രൈവ് നടത്തിവരുകയായിരുന്നു .സ്കൂൾ കോളേജ് വിദ്യാർത്ഥികളെ ലക്ഷ്യം വച്ചാണ് ഇവർ ലഹരി മരുന്ന് വില്പന നടത്തുന്നത് . ഒരോ ചെറിയ പാക്കറ്റിനും 2500 – 3500 രൂപ വരെയാണ് ഈടാക്കുന്നത് . — ആവശ്യക്കാരിൽ നിന്നും മുൻകൂട്ടി ഓർഡർ സ്വീകരിച്ച് പണം മുൻകൂർ വാങ്ങിയാണ് ഇവർ MDMA എത്തിച്ചു നൽകുന്നത് . പണം നേരിട്ട് കൈപ്പറ്റാതെ ഓൺലൈൻ വഴിയാണ് സ്വീകരിച്ചിരുന്നത് . ഉറക്കം വരാതെയിരുന്ന് ഉത്സാഹത്തോടെ പഠിക്കുന്നതിത് MDMA ഉപയോഗിക്കുന്നത് നല്ലതാണെന്ന തരത്തിൽ വ്യാജ പ്രചരണം വിദ്യാർത്ഥികൾക്കിടയിലുണ്ട് .ജനുവരി മാസത്തിൽ പള്ളിക്കൽ പോലീസ് MDMA വാണിജ്യാടിസ്ഥാനത്തിൽ വില്പന നടത്തിയ 5 പ്രതികളെ അറസ്റ്റ് ചെയ്തിരുന്നു . ഇവർക്ക് MDMA വിതരണം ചെയ്തിരുന്നത് ഇപ്പോൾ അറസ്റ്റിലായ അഖിൽ കൃഷ്ണനാണ് . കഴിഞ്ഞ രണ്ടു കൊല്ലമായി ഇയാൾ മാരക ലഹരി മരുന്ന് വില്പന നടത്തിവരുകയായിരുന്നു . ഇതുവരേയും ഇയാളെ പിടികൂടാൻ കഴിഞ്ഞിരുന്നില്ല . നാട്ടുകാർക്കോ വീട്ടുകാർക്കോ ഇയാൾ ഇത്തരം കച്ചവടം നടത്തുന്നത് അറിയാൻ കഴിഞ്ഞിരുന്നില്ല . വീടിന്റെ മുകളിലത്തെ നിലയിലായിരുന്നു പ്രതി ഇതിനായി സജ്ജീകരിച്ചിരുന്നത് . സ്കൂൾ കോളേജ് പരിസരങ്ങളിലെ ലഹരി മരുന്ന് റെയ്ഡുകൾ തുടരുമെന്ന് പോലീസ് അറിയിച്ചു . പള്ളിയ്ക്കൽ സി ഐ ശ്രീജിത്ത് പി , എസ് ഐ സഹിൽ .എം , എസ് ഐ റാഫി എ എസ് ഐ സജിത്ത് , സിപിഒ മാരായ ഷമീർ , അജീസ് , സന്തോഷ് എന്നിവരടങ്ങിയ സംഘമാണ് പ്രതിയെ പിടികൂടിയത് .