മോൻസൽ മുതൽ പോലീസ് ഹണിട്രാപ് വരെ; 24 ദിവസത്തെ നിയമസഭാ സമ്മേളനം ഇന്ന് മുതൽ

തിരുവനന്തപുരം: പതിനഞ്ചാം കേരള നിയമസഭയുടെ (Kerala Legislative Assembly) മൂന്നാമത് സമ്മേളനത്തിന് ഇന്ന് തുടക്കം. 45 ഓർഡിനൻസുകൾ നിയമമാക്കാൻ സഭയുടെ പട്ടികയിലുണ്ട്. 11 പ്രധാന ബില്ലുകളും പരിഗണിക്കുന്നുണ്ട്. നവംബര്‍ 12വരെ 24 ദിവസമാണ് സമ്മേളനം ചേരുക. മോന്‍സന്‍കേസും അനുബന്ധ ആരോപണങ്ങളും സഭയില്‍ നിറയും.

19 ദിവസം നിയമനിര്‍മാണത്തിനും നാലു ദിവസം അനൗദ്യോഗികാംഗങ്ങളുടെ കാര്യത്തിനും ഒരു ദിവസം ഉപധനാഭ്യര്‍ഥനകളുടെ പരിഗണനയ്ക്കുമാണ്‌. കോടികളുടെ പുരാവസ്തു തട്ടിപ്പു നടത്തിയ മോൻസൻ മാവുങ്കൽ കേസും ആരോപണങ്ങളും നിയമസഭയിലെത്തും. ഉ​ന്ന​ത ഉ​ദ്യോ​ഗ​സ്ഥ​ര്‍ വ​രെ മോ​ന്‍​സ​ണി​െന്‍റ മ്യൂ​സി​യ​ത്തി​ല്‍ എ​ത്തി​യ​ത​ട​ക്കം പൊ​ലീ​സി​നെ​തി​രെ വ​ന്ന ആ​ക്ഷേ​പ​ങ്ങ​ള്‍​ക്ക്​ സ​ര്‍​ക്കാ​റി​​ന്​ മ​റു​പ​ടി പ​റ​യേ​ണ്ടി വ​രും. എ​ന്നാ​ല്‍, കെ.​പി.​സി.​സി പ്ര​സി​ഡ​ന്‍​റ്​ കൂ​ടി വി​വാ​ദ​ത്തി​ല്‍​പെ​ട്ട​ത്​ പ്ര​തി​പ​ക്ഷ​ത്തി​ന്​ തിരിച്ചടിയാകും.

മുട്ടിൽ മരം മുറിക്കേസിൽ കുറ്റപത്രം യഥാസമയം നൽകാത്തതിന്റെ പേരിൽ പ്രതികൾക്ക് ജാമ്യം ലഭിച്ചത് പ്രതിപക്ഷത്തിന് കിട്ടിയ മികച്ച ആയുധമാണ്. പ്ലസ് വൺ സീറ്റ് പ്രശ്‌നവും സ്ത്രീസുരക്ഷയും പോലീസിനെ പ്രതിക്കൂട്ടിൽ നിർത്തുന്ന ഹണി ട്രാപ്പ് ഉൾപ്പെടെയുള്ള വിഷയങ്ങളും പ്രതിപക്ഷം ഉയർത്താനാണ് സാധ്യത. പാലാ ബിഷപ്പിന്റെ നാർകോട്ടിക് ജിഹാദ് പരാമർശവും ചർച്ചയാകാനാണ് സാധ്യത.

അതേസമയം ആദ്യദിവസം തന്നെ നാലു ബില്ലുകള്‍ സഭയുടെ പരിഗണനക്കു വരുന്നുണ്ട്. 45 ഓർഡി നനന്‍സുകള്‍ നിയമമാക്കേണ്ടതുള്ളതിനാല്‍, പരമാവധിയെണ്ണം പരിഗണിക്കാനാവും ശ്രമിക്കുക. തൊ​ഴി​ലു​റ​പ്പ്​ ​ക്ഷേമനിധി, പ​ഞ്ചാ​യ​ത്തീ​രാ​ജ്-​മു​നി​സി​പ്പാ​ലി​റ്റി ദേ​ഭ​ഗ​തി​ക​ള്‍, ന​ഗ​ര-​ഗ്രാ​മാ​സൂ​ത്ര​ണ ഭേ​ദ​ഗ​തി എ​ന്നീ ബി​ല്ലു​ക​ളാ​ണ്​ തി​ങ്ക​ളാ​ഴ്​​ച പ​രി​ഗ​ണി​ക്കു​ക.