തെരഞ്ഞെടുപ്പ് പരസ്യം പ്രസിദ്ധീകരിച്ചതിനെത്തുടർന്ന് സുപ്രഭാതം ദിനപത്രം തെരുവിൽ കത്തിച്ച സംഭവം !പ്രതിഷേധവുമായി കേരള പത്രപ്രവർത്തക യൂണിയൻ

തിരുവനന്തപുരം : തെരഞ്ഞെടുപ്പ് പരസ്യം പ്രസിദ്ധീകരിച്ചതിനെത്തുടർന്ന് സുപ്രഭാതം ദിനപത്രം തെരുവിൽ കത്തിച്ച നടപടിയിൽ കേരള പത്രപ്രവർത്തക യൂണിയൻ പ്രതിഷേധിച്ചു. പത്രത്തിനെതിരെ വ്യാപകമായി നടക്കുന്ന സൈബർ ആക്രമണം അത്യന്തം അപലപനീയമാണെന്നും കേരള പത്രപ്രവർത്തക യൂണിയൻ വ്യക്തമാക്കി.

“ഏതു തരത്തിലുള്ള പരസ്യം സ്വീകരിക്കണമെന്നും പ്രസിദ്ധീകരിക്കണമെന്നും തീരുമാനിക്കേണ്ടത് പത്ര മാനേജ്മെൻ്റുകളാണ്. പരസ്യങ്ങളുടെ ഉള്ളടക്കത്തിന് അതത് മാനേജ്മെൻ്റുകളുടെ രാഷ്ട്രീയ നിലപാടുകളുമായി ബന്ധം ഉണ്ടാവണമെന്നില്ല. വസ്തുതകൾ ഇതായിരിക്കെ പരസ്യത്തിൻ്റെ പേരിൽ പത്രം കത്തിക്കുന്ന നിലപാട് ഒരു തരത്തിലും അംഗീകരിക്കാനാവില്ല.” -കേരള പത്രപ്രവർത്തക യൂണിയൻ പ്രസിഡന്റ് എം വി വിനീതയും ജനറൽ സെക്രട്ടറി ആർ കിരൺബാബുവും പ്രസ്താവനയിൽ പറഞ്ഞു.