ജനങ്ങളെ ഷോക്കടിപ്പിക്കാൻ ഒരുങ്ങി കെ എസ് ഇ ബി ;ലോഡ് ഷെഡ്‌ഡിങ്ങിന് പുറമെ വൈദ്യുതി ചാർജ്ജും കൂടും

തിരുവനന്തപുരം: സംസ്ഥാനത്ത് ലോഡ് ഷെഡിങ് ഏർപ്പെടുത്തുമെന്ന വാർത്തക്ക് പിന്നാലെ അടുത്ത ആഴ്ച മുതൽ വൈദ്യുതി നിരക്ക് വർധിപ്പിക്കാനൊരുങ്ങി കെഎസ്ഇബി . ലോക്‌സഭാ തിരഞ്ഞെടുപ്പ് സമയത്താണ് നിരക്ക് വർധന നടപ്പാക്കാനിരുന്നത്. എന്നാൽ ഇത് തിരഞ്ഞെടുപ്പിൽ തിരിച്ചടിയാകുമെന്ന് കണ്ട സര്‍ക്കാര്‍ കെഎസ്ഇബിയോട് നീക്കത്തിൽ നിന്ന് പിന്മാറാൻ ആവശ്യപ്പെട്ടു.

മാറ്റിവെച്ച നിരക്ക് വര്‍ധന തീരുമാനമാണ് വൈദ്യുതി പ്രതിസന്ധി കണക്കിലെടുത്ത് റെഗുലേറ്ററി കമ്മീഷന്‍ അടുത്ത ആഴ്ച പ്രഖ്യാപിക്കുന്നത്. നിരക്ക് വര്‍ധവിനൊപ്പം ഫിക്‌സഡ് ചാര്‍ജുകളിലും വര്‍ധനവുണ്ടാകും. 10 ശതമാനമാണ് നിരക്ക് വര്‍ധന. മാസം 100 യൂണിറ്റ് വൈദ്യുതി ഉപയോഗിക്കുന്നവര്‍ക്ക് കുറഞ്ഞത് ഇരുപത്തഞ്ചുരൂപ കൂടും. രണ്ടുദിവസത്തിനകം വൈദ്യുതി റഗുലേറ്ററി കമ്മിഷന്‍ പുതിയ നിരക്ക് പ്രഖ്യാപിക്കും.

യൂണിറ്റിന് 20 പൈസമുതല്‍ 40 പൈസവരെയുള്ള വര്‍ധനവുണ്ടാകും. 200 യൂണിറ്റ് വരെ ഉപയോഗിക്കുന്ന വരുന്ന ഉപയോക്താക്കള്‍ക്ക് 10 മുതല്‍ 80 പൈസവരെ വര്‍ധിപ്പിക്കണമെന്നായിരുന്നു കെഎസ്ഇബിയുടെ ആവശ്യം.