കാശ്മീരിൽ മണ്ണിടിച്ചിലിൽ നാല് പേർക്ക് ദാരുണാന്ത്യം; മരിച്ചവരിൽ ഒരു പോലീസുകാരനും; ആറ് പേർക്ക് ഗുരുതര പരിക്ക്

ജമ്മു കശ്മീർ : കിഷ്ത്വാർ ജില്ലയിൽ ഇന്നലെ നടന്ന മണ്ണിടിച്ചിലിൽ ഒരു പോലീസുകാരൻ ഉൾപ്പെടെ നാല് പേർക്ക് ദാരുണാന്ത്യം. ആറ് പേർക്ക് ഗുരുതരമായി പരിക്കേറ്റു.
അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവരെ രക്ഷപ്പെടുത്താനുള്ള ഓപ്പറേഷൻ അവസാനിച്ചതായി അധികൃതർ അറിയിച്ചു.

റോഡിന്റെ നിർമ്മാണത്തിലേർപ്പെട്ട തൊഴിലാളികളാണ് അപകടത്തിൽപ്പെട്ടത്, സ്ഥലം ജെസിബി ഉപയോഗിച്ച് കുഴിക്കുന്നതിനിടെ ഒരു വലിയ പാറ ഉരുണ്ടുവീഴുകയും തൊഴിലാളികൾ കുടുങ്ങുകയുമായിരുന്നു, കുടുങ്ങിയവരെ രക്ഷിക്കാൻ ആറ് പേരടങ്ങുന്ന ഓപ്പറേഷൻ ടീം സംഭവസ്ഥലത്തെത്തിയിരുന്നു, എന്നാൽ പ്രദേശത്ത് വീണ്ടും മണ്ണിടിഞ്ഞ് കൂടുതൽ ആളുകൾ മണ്ണിനടിയിലായി. പരിക്കേറ്റ ആറ് പേരിൽ മൂന്ന് പേരെ ദോഡയിലെ സർക്കാർ മെഡിക്കൽ കോളേജിലും രണ്ട് പേരെ താത്രി ആശുപത്രിയിലും ഒരാളെ ജമ്മുവിലെ ആശുപത്രിയിലും പ്രവേശിപ്പിച്ചു .