പശ്ചിമ ബംഗാളിലെ സൗത്ത് കല്ക്കട്ട ലോ കോളേജ്
പശ്ചിമ ബംഗാളിലെ സൗത്ത് കല്ക്കട്ട ലോ കോളേജില് നിയമവിദ്യാർത്ഥിനി കൂട്ടബലാത്സംഗത്തിനിരയായ കേസിൽ പ്രതിയുടെ ഫോണില് നിന്ന് കുറ്റകൃത്യത്തിന്റെ വീഡിയോ കണ്ടെടുത്തതായി പോലീസ്. ലൈംഗികാതിക്രമം പ്രതി ഫോണില് പകര്ത്തിയിരുന്നുവെന്ന് പെണ്കുട്ടി നല്കിയ പരാതിയില് പറഞ്ഞിരുന്നു. പ്രതി ഈ ദൃശ്യങ്ങള് മറ്റുള്ളവരുമായി പങ്കിട്ടിട്ടുണ്ടോ എന്ന കാര്യങ്ങള് പരിശോധിച്ചുവരികയാണ്. പ്രതിയുടെ ഫോണിൽ നിന്ന് കണ്ടെടുത്ത ദൃശ്യങ്ങൾ കേസിൽ നിർണ്ണായകമാകും കേസ് അന്വേഷിക്കാന് അസിസ്റ്റന്റ് പോലീസ് കമ്മീഷണറുടെ നേതൃത്വത്തില് അഞ്ചംഗ പ്രത്യേക അന്വേഷണസംഘം രൂപീകരിച്ചിട്ടുണ്ട്.
സംഭവത്തില് കോളേജിലെ സുരക്ഷാ ജീവനക്കാരനും അറസ്റ്റിലായിരുന്നു. പിനാകി ബാനര്ജി എന്ന 55-കാരനാണ് അറസ്റ്റിലായിരിക്കുന്നത്. സംഭവസമയത്ത് അയാള് പരിസരത്ത് ഉണ്ടായിരുന്നതായി സിസിടിവി ദൃശ്യങ്ങളില് നിന്ന് വ്യക്തമായിട്ടുണ്ട്.
തൃണമൂൽ കോൺഗ്രസിന്റെ വിദ്യാർത്ഥി സംഘടന നേതാവായ മനോജിത് മിശ്ര (31)യാണ് കേസിലെ മുഖ്യപ്രതി .തൃണമൂല് കോണ്ഗ്രസിന്റെ വിദ്യാര്ഥി വിഭാഗമായ തൃണമൂല് ഛാത്രപരിഷദിന്റെ (ടിഎംസിപി) സൗത്ത് കൊല്ക്കത്ത ജില്ലാ യൂണിറ്റിന്റെ ജനറല് സെക്രട്ടറിയാണ് മൊനോജിത്. വിവാഹാഭ്യാര്ഥന നിരസിച്ചതിന് പിന്നാലെയാണ് പ്രതി പെൺകുട്ടിയെ കൊടുംക്രൂരതയ്ക്ക് ഇരയാക്കിയത്.സംഭവത്തിൽ മൊനോജിത് മിശ്രയെ കൂടാതെ സെയ്ബ് അഹമ്മദ്, പ്രമിത് മുഖര്ജി എന്നിവരും നേരത്തെ അറസ്റ്റിലായിരുന്നു.
മൊനോജിത് തന്നെ വിവാഹത്തിന് നിര്ബന്ധിച്ചിരുന്നെന്ന് അതിജീവിത പരാതിയില് പറയുന്നു. എന്നാല് മറ്റൊരാളുമായി പ്രണയത്തിലായതിനാല് വിവാഹാഭ്യാര്ഥന നിരസിച്ചു. ഇതേത്തുടര്ന്ന് മാതാപിതാക്കളെ വ്യാജകേസുകളില് കുടുക്കുമെന്നും ആണ്സുഹൃത്തിനെ ഉപദ്രവിക്കുമെന്നും മൊനോജിത് അതിജീവിതയെ ഭീഷണിപ്പെടുത്തി. സംഭവദിവസം മൂവരും ചേര്ന്ന് തടഞ്ഞുനിര്ത്തുകയും പീഡനത്തിനിരയാകാൻ ശ്രമിക്കുകയും ചെയ്തു. മൊനോജിത്തിന്റെ കാലുപിടിച്ച് അപേക്ഷിച്ചിട്ടും വെറുതെവിടാതെ ഗാര്ഡ് റൂമിലെത്തിച്ചാണ് ബലാത്സംഗം ചെയ്തതെന്നും അതിജീവിത പരാതിയില് പറയുന്നു.
അതിക്രമത്തിൽ അതിജീവിതയ്ക്ക് പാനിക്ക് അറ്റാക്ക് ഉണ്ടാവുകയും ശ്വാസതടസ്സം നേരിടുകയും ചെയ്തു. ആശുപത്രിയില് എത്തിക്കാന് അഭ്യര്ഥിച്ചെങ്കിലും പ്രതികള് അതിന് തയ്യാറായില്ല. ബലാത്സംഗം ചെയ്യുന്നതിന്റെ ദൃശ്യങ്ങളും പ്രതികള് മൊബൈൽ ഫോണിൽ ചിത്രീകരിച്ചു. രക്ഷപ്പെടാന് ശ്രമിച്ചപ്പോള് ഹോക്കി സ്റ്റിക്ക് ഉപയോഗിച്ച് മര്ദിക്കാന് ശ്രമിച്ചുവെന്നും പരാതിയില് പറയുന്നു. ബുധനാഴ്ച ഉച്ചയ്ക്ക് 12 മണിയോടെ പരീക്ഷയുമായി ബന്ധപ്പെട്ട അപേക്ഷകള് പൂരിപ്പിക്കാന് വേണ്ടിയാണ് പെണ്കുട്ടി കാമ്പസിലെത്തിയത്.
സൗരയൂഥത്തിന്റെ അതിരുകൾ താണ്ടി എത്തിയ അപൂർവ്വ അതിഥിയായ 3I/ATLAS എന്ന ഇന്റർസ്റ്റെല്ലർ വാൽനക്ഷത്രം ഭൂമിക്കരികിലൂടെയുള്ള യാത്ര പൂർത്തിയാക്കി മടക്കയാത്ര തുടങ്ങിയിരിക്കുകയാണ്.…
തുർക്കിക്കെതിരായ നടപടികൾ ഭാരതം അവസാനിപ്പിക്കുന്നില്ല. ഇന്ത്യയിലെ പ്രമുഖ വിമാനക്കമ്പനിയായ ഇൻഡിഗോയ്ക്ക് തുർക്കി ആസ്ഥാനമായുള്ള എയർലൈനുകളിൽ നിന്ന് വിമാനങ്ങൾ വാടകയ്ക്കെടുക്കുന്നതിന് നൽകിയിരുന്ന…
പുരാതന ഭാരതത്തിലെ ലോഹവിദ്യ (Metallurgy) ലോകത്തെ തന്നെ അത്ഭുതപ്പെടുത്തിയ ഒന്നാണ്. ആധുനിക ശാസ്ത്രം വികസിക്കുന്നതിനും നൂറ്റാണ്ടുകൾക്ക് മുമ്പ് തന്നെ സങ്കീർണ്ണമായ…
ബഹിരാകാശത്ത് പുതിയൊരു യുദ്ധമുഖം തുറക്കപ്പെടുന്നുവോ എന്ന ആശങ്ക ലോകമെമ്പാടും പടരുകയാണ്. റഷ്യ-യുക്രെയ്ൻ യുദ്ധം നാലാം വർഷത്തിലേക്ക് കടക്കുമ്പോൾ, യുക്രെയ്ന്റെ പ്രധാന…
പ്രപഞ്ചത്തിന്റെ വിശാലതയിൽ മനുഷ്യൻ ഒറ്റയ്ക്കാണോ എന്ന ചോദ്യം ശാസ്ത്രലോകത്തെയും സാധാരണക്കാരെയും ഒരുപോലെ ചിന്തിപ്പിക്കുന്ന ഒന്നാണ്. ഭൂമിക്ക് പുറത്ത് ജീവന്റെ സാന്നിധ്യമുണ്ടോ…
ബംഗ്ലാദേശിലെ ചട്ടോഗ്രാമിൽ മതന്യൂനപക്ഷങ്ങളെ ലക്ഷ്യമിട്ടുള്ള അക്രമങ്ങൾ തുടരുന്നതിനിടെ ഹിന്ദു കുടുംബത്തിന്റെ വീട് അഗ്നിക്കരയാക്കി അക്രമകാരികൾ. ആക്രമണത്തിൽ വളർത്തുമൃഗങ്ങൾ കൊല്ലപ്പെട്ടു. ജയന്തി…