പാറശാല മണ്ഡലത്തിലെ രണ്ടാം ഘട്ട പര്യടന പരിപാടിക്ക് തുടക്കമിട്ട് എൽഡിഎഫ് സ്ഥാനാർത്ഥി പന്ന്യൻ രവീന്ദ്രൻ; സ്വീകരണ കേന്ദ്രങ്ങളിൽ സ്ഥാനാർത്ഥിയെ കാത്ത് നിന്ന് ജനാവലി

ലോക്‌സഭാ തെരഞ്ഞെടുപ്പ് പ്രചാരണം അവസാന ലാപ്പിലേക്ക് കടക്കുന്നതിനിടെ തിരുവനന്തപുരം മണ്ഡലത്തിലെ എൽഡിഎഫ് സ്ഥാനാർത്ഥി പന്ന്യൻ രവീന്ദ്രൻ്റെ പാറശാല മണ്ഡലത്തിലെ രണ്ടാം ഘട്ട പര്യടന പരിപാടി ആരംഭിച്ചു .

രാവിലെ 8 മണിക്ക് കൊല്ലയിൽ പഞ്ചായത്തിലെ ചെമ്മണ്ണു വിളയിൽ നിന്നാരംഭിച്ച പര്യടന പരിപാടി സി.കെ.ഹരീന്ദ്രൻ എംഎൽഎ ഉദ്ഘാടനം ചെയ്തു.വി.എസ്.ബിനു അദ്ധ്യക്ഷനായ ചടങ്ങിൽ ആനാവൂർ മണികണ്ഠൻ സ്വാഗതം പറഞ്ഞു. വി.പി.ഉണ്ണിക്കൃഷ്ണൻ, ഡി.കെ ശശി, കെ.എസ് മധുസൂദനൻ നായർ എസ്.അജയകുമാർ എന്നിവർ സംസാരിച്ചു.

പ്രവർത്തകർ ഇരുചക്രവാഹന റാലിയുടെ അകമ്പടിയോടെ സ്ഥാനാർത്ഥിയെ വിവിധ സ്വീകരണ കേന്ദ്രങ്ങളിലേക്കാനയിച്ചു. സ്വീകരണ കേന്ദ്രങ്ങളിൽ വൻ ജനാവലിയാണ് സ്ഥാനാർത്ഥിയെ കാത്ത് നിന്നത്. 63 കേന്ദ്രങ്ങളിൽ സ്വീകരണമേറ്റുവാങ്ങിയ അദ്ദേഹത്തിന്റെ പര്യടന യാത്ര പാറശാലയിൽ സമാപിച്ചു. സി.കെ.ഹരീന്ദ്രൻ MLA, കള്ളിക്കാട് ഗോപൻ, വി.താണുപിള്ള തുടങ്ങിയവർ സ്ഥാനാർത്ഥിക്കൊപ്പം ഉണ്ടായിരുന്നു. വിവിധ കേന്ദ്രങ്ങളിൽ ആർ.എസ്.ജയൻ, ആദർശ്, ആൻ്റസ്, ശരൺ ശശാങ്കൻ തുടങ്ങിയവർ പ്രസംഗിച്ചു