മഹാമണ്ഡലേശ്വർ സംപൂജ്യ സ്വാമി ആനന്ദവനം ഭാരതി മഹാരാഷ്ട്രയിലെ കല്യാൺ അയ്യപ്പ ക്ഷേത്രത്തിൽ ദർശനം നടത്തും; ഒരുക്കങ്ങൾ അവസാനഘട്ടത്തിലെന്ന് ക്ഷേത്രഭാരവാഹികൾ

ജുനാ അഖാഡയുടെ മഹാമണ്ഡലേശ്വർ സംപൂജ്യ സ്വാമി ആനന്ദവനം ഭാരതി മഹാരാജ് മഹാരാഷ്ട്രയിലെ കല്യാൺ അയ്യപ്പ ക്ഷേത്രത്തിൽ ദർശനം നടത്തും.നാളെ (ജൂലായ് 24 ചൊവ്വാഴ്ച )വൈകുന്നേരം 6:30-ന് അദ്ദേഹം കല്യാൺ ക്ഷേത്രത്തിൽ എത്തിച്ചേരും .

ക്ഷേത്രസന്നിധിയിൽ എത്തിച്ചേരുന്ന മഹാമണ്ഡലേശ്വറിനെ താലപ്പൊലിയുടെ അകമ്പടിയോടെ പൂർണ്ണ കുഭം നൽകി ക്ഷേത്രഭാരവാഹികൾ സ്വീകരിക്കും .തുടർന്ന് ക്ഷേത്രത്തിൽ നടക്കുന്ന ആരതിയിലും പൂജാചടങ്ങുകളിലും പങ്കെടുക്കും .കഴിഞ്ഞ ദിവസം മഹാരാഷ്ട്രയിലെ നെരുളിൽ സ്ഥിതിചെയ്യുന്ന അയ്യപ്പ മഹാക്ഷേത്രത്തിലും മഹാമണ്ഡലേശ്വർ ആനന്ദവനം ദർശനം നടത്തിയിരുന്നു .