മഹാരാഷ്ട എൻഡിഎ മുന്നണി ഇങ്ങ് എടുക്കുവാ …മഹാരാഷ്ട്ര നവനിർമാൺ സേനയും മുന്നണിയിലെത്തിയേക്കും; അജിത് പവാർ പോയത് ശരദ് പവാറിന്റെ അനുഗ്രഹത്തോടെയെന്ന് രാജ് താക്കറെ

മുംബൈ : മഹാരാഷ്ട്ര നവനിർമാൺ സേനയും എൻഡിഎ മുന്നണിയിലെത്തിയേക്കുമെന്ന് റിപ്പോർട്ടുകൾ. ബിജെപിയിൽ ചേരാൻ ക്ഷണിച്ചിട്ടുണ്ടെന്ന് മഹാരാഷ്ട്ര നവനിർമാൺ സേന (എംഎൻഎസ്) തലവൻ രാജ് താക്കറെ വെളിപ്പെടുത്തി. അതെ സമയം ഇക്കാര്യത്തിൽ ഇതുവരെയും തീരുമാനം എടുത്തിട്ടില്ലെന്നും മുംബൈയിൽ വച്ച് നടന്ന പാർട്ടി യോഗത്തിൽ രാജ് താക്കറെ വ്യക്തമാക്കി.

‘‘ഏക്നാഥ് ഷിൻഡെയും അജിത് പവാറും ഇപ്പോൾ സംസ്ഥാന സർക്കാരിന്റെ ഭാഗമാണ്. അജിത് പവാറിന്റെ കാര്യത്തിൽ ബിജെപി ഇതുവരെ വ്യക്തത വരുത്തിയിട്ടില്ല. അതുകൊണ്ടുതന്നെ ബിജെപിയിൽ ചേരുന്ന കാര്യത്തിൽ തീരുമാനം എടുത്തിട്ടില്ല. ശരദ് പവാറിന്റെ അനുഗ്രഹത്തോടെയാണ് അജിത് മറുകണ്ടം ചാടിയത്. എൻസിപിയുടെ ബാക്കിയുള്ള ഭാഗം കൂടി അധികം വൈകാതെ അജിത്തിനൊപ്പം പോകും. 2014 മുതൽ ശരദ് പവാർ നരേന്ദ്ര മോദി അനുകൂല നയമാണ് സ്വീകരിച്ചിരുന്നത്’’ – രാജ് താക്കറെ പറഞ്ഞു .

രാജിന്റെ പ്രസ്താവന സ്വാഗതം ചെയ്ത് ശിവസേന (ഷിൻഡെ) വിഭാഗം നേതാവ് സഞ്ജയ് ഷിർസത്ത് ഉൾപ്പെടെയുള്ളവർ രംഗത്തെത്തിയിട്ടുണ്ട്. എംഎൻഎസിന് ഈ നീക്കം ഗുണപ്രദമാകുമെന്ന് അവർ പറഞ്ഞു.