കൊച്ചി: മരടിലെ ഫ്ളാറ്റുകള് പൊളിക്കുന്നതുമായി ബന്ധപ്പെട്ട സാങ്കേതിക പഠനത്തിനായി നിയോഗിച്ച വിദഗ്ദ്ധ സമിതി അടുത്ത ദിവസം റിപ്പോര്ട്ട് സമര്പ്പിക്കും. ഈ റിപ്പോര്ട്ടിന്റെ കൂടി അടിസ്ഥാനത്തിലായിരിക്കും പൊളിക്കാനുള്ള കമ്പനിയെ തീരുമാനിക്കുക. തങ്ങള്ക്ക് അര്ഹമായ നഷ്ട പരിഹാരം ലഭിക്കുമെന്ന പ്രതീക്ഷയിലാണ് ഫ്ളാറ്റുകളില് നിന്നും ഒഴിഞ്ഞ താമസക്കാര്.
വിവിധ വകുപ്പുകളിലെ എന്ജിനീയര്മാരെ ഉള്പ്പെടുത്തി പതിനൊന്നംഗ സംഘത്തെയാണ് ഫ്ളാറ്റ് പൊളിക്കുന്നതിനെ കുറിച്ച് പഠിക്കാന് സര്ക്കാര് നിയോഗിച്ചിരിക്കുന്നത്. പൊളിക്കാനുള്ള കമ്പനികളെ തെരഞ്ഞെടുക്കുക, ഇവരുടെ യന്ത്രങ്ങളുടെയും മറ്റും നിലവാരം പരിശോധിക്കുക, പൊളിക്കലിന് നേതൃത്വം നല്കുക തുടങ്ങിയ കാര്യങ്ങള്ക്കാണ് ഈ സമിതിയെ നിയോഗിച്ചിരിക്കുന്നത്.
കരാര് ഏറ്റെടുക്കാന് താല്പ്പര്യം അറിയിച്ചെത്തിയതില് തെരഞ്ഞെടുക്കപ്പെട്ട ആറ് കമ്പനികളോട് പൊളിക്കല് നടപ്പാക്കുന്നതു സംബന്ധിച്ച റിപ്പോര്ട്ട് സമര്പ്പിക്കാന് സമിതി നിര്ദ്ദേശം നല്കിയിട്ടുണ്ട്. ഇവരില് രണ്ടെണ്ണമാണ് അവസാന പട്ടികയില് ഇടം പിടിച്ചിട്ടുള്ളത്. കമ്പനികളുടെ റിപ്പോര്ട്ട് കൂടി ലഭിച്ച ശേഷമായിരിക്കും സമിതി സര്ക്കാരിന് റിപ്പോര്ട്ട് സമര്പ്പിക്കുക.
ഈ മാസം പതിനൊന്നിനു തന്നെ ഫ്ലാറ്റുകള് കരാര് നല്കുന്ന കമ്പനിക്ക് കൈമാറാനുള്ള ശ്രമങ്ങളാണ് പുരോഗമിക്കുന്നത്. ഫ്ലാറ്റുകള് ഒഴിഞ്ഞു പോയ താമസക്കാര് സാധനങ്ങള് നീക്കം ചെയ്യുന്ന ജോലികളുടെ അവസാന ഘട്ടത്തിലാണ്.
നഷ്ട പരിഹാരം സംബന്ധിച്ച തീരുമാനം എടുക്കാന് ജസ്റ്റീസ് ബാലകൃഷ്ണന് നായര് നേതൃത്വത്തിലുള്ള സമിതിയെ ആണ് ചുമതലപ്പെടുത്തിയിരിക്കുന്നത്. ഫ്ലാറ്റുകളില് നിന്നും സാധനങ്ങള് മോഷണം പോകുന്നതായി പരാതി വ്യാപകമായതിനെ തുടര്ന്ന് പൊലീസ് പരിശോധന കര്ശനമാക്കിയിട്ടുണ്ട്.
ദില്ലി ചെങ്കോട്ടയ്ക്ക് സമീപമുണ്ടായ സ്ഫോടനത്തിൽ പിന്നിൽ പ്രവർത്തിച്ച എല്ലാ ഗൂഢാലോചനക്കാരെയും പിടികൂടാൻ സാധിച്ചതായി ആഭ്യന്തരമന്ത്രി അമിത്ഷാ. കേസിൽ ജമ്മു കശ്മീർ…
തിരുവനന്തപുരം മേയറായി ചുമതലയേറ്റതിന് ശേഷം വി വി രാജേഷ് ആദ്യമായി ഒപ്പുവെച്ചത് വയോമിത്രം പദ്ധതിയുമായി ബന്ധപ്പെട്ട ഫയലിൽ. പദ്ധതിയുടെ ആദ്യ…
ശബരിമല സ്വർണക്കൊള്ളക്കേസിൽ തമിഴ്നാട് കേന്ദ്രീകരിച്ച് അന്വേഷണം പുരോഗമിക്കവേ എസ്ഐടി ചോദ്യം ചെയ്ത തമിഴ്നാട്ടുകാരനായ വ്യവസായി ഡി. മണി തന്നെയാണെന്ന് സ്ഥിരീകരിച്ച്…
ഭാരതത്തിന്റെ സ്വാതന്ത്ര്യസമര ചരിത്രത്തിലെ വിപ്ലവവീര്യത്തിന്റെ പര്യായമായ നേതാജി സുഭാഷ് ചന്ദ്രബോസിന്റെ ഭൗതികാവശിഷ്ടങ്ങൾ ജപ്പാനിൽ നിന്നും തിരികെ മാതൃരാജ്യത്ത് എത്തിക്കണമെന്ന ആവശ്യം…
ക്രിസ്മസ് – പുതുവത്സര ആഘോഷത്തിനിടെ ക്രിസ്ത്യാനികളെയും അമുസ്ലീങ്ങളെയും ലക്ഷ്യമിട്ട് ഭീകരാക്രമണത്തിന് പദ്ധതിയിട്ട 115 ഐസിസ് ഭീകരർ തുർക്കിയിൽ പിടിയിൽ. ഇസ്താംബൂളിലുടനീളം…
ഹോംസ് : മധ്യ സിറിയൻ നഗരമായ ഹോംസിൽ വെള്ളിയാഴ്ച പ്രാർത്ഥനയ്ക്കിടെ പള്ളിയിലുണ്ടായ സ്ഫോടനത്തിൽ അഞ്ചു പേർ കൊല്ലപ്പെട്ടു. ഇരുപത്തിയൊന്നിലധികം പേർക്ക്…