അമ്മ വേഷങ്ങളിലൂടെ ബോളിവുഡിന്റെ മനം കവർന്ന മറാഠി നടി സുലോചന ലട്‌കർ അന്തരിച്ചു

മുംബൈ ; മുതിർന്ന മറാഠി നടി സുലോചന ലട്കർ അന്തരിച്ചു. 94 വയസായിരുന്നു. വാർധക്യ സഹജമായ അസുഖങ്ങളെ തുടർന്ന് ഇന്ന് വൈകുന്നേരം ആറ് മണിയോടെ മുംബൈയിലായിരുന്നു അന്ത്യം. 250 ഹിന്ദി ചിത്രങ്ങളിലും 50 മറാഠി ചിത്രങ്ങളിലും സുലോചന ലട്കർ അഭിനയിച്ചിട്ടുണ്ട്. അമ്മ വേഷങ്ങളിലൂടെ ഏറെ പ്രേക്ഷക പ്രശംസ പിടിച്ചു പറ്റാൻ അവർക്ക് സാധിച്ചു.

1940കളിൽ മറാഠി ചിത്രങ്ങളിലൂടെ അരങ്ങേറ്റം കുറിച്ച സുലോചന പിന്നീട് ഹിന്ദി സിനിമയിലെത്തുകയായിരുന്നു. ഷമ്മി കപൂറിന്റെ ദിൽ ദേഖേ ദേഖോ, ദിലീപ് കുമാറിന്റെ ആദ്മി ആൻഡ് ദേവ്, ആനന്ദിന്റെ ജോണി മേരാ നാം തുടങ്ങിയ ചിത്രങ്ങളിൽ അനശ്വരമാക്കിയ വേഷങ്ങൾ വലിയ ആരാധവൃന്ദത്തെ സുലോചനയ്ക്ക് സമ്മാനിച്ചു. പൊതുദർശനത്തിന് ശേഷം നാളെ വൈകുന്നേരം മുംബൈ ശിവാജി പാർക്കിൽ സംസ്കാര ചടങ്ങുകൾ നടക്കുമെന്നു ബന്ധുക്കൾ അറിയിച്ചു.