ചരിത്രം കുറിച്ച് മോദി ! എക്‌സിൽ പ്രധാനമന്ത്രി നരേന്ദ്ര മോദിയെ പിന്തുടരുന്നവരുടെ എണ്ണം 100 മില്യണായി !

സോഷ്യൽ മീഡിയ പ്ലാറ്റ്ഫോമായ എക്സിൽ ഏറ്റവും കൂടുതൽ ഫോളോവേഴ്സ് ഉള്ള അന്താരാഷ്ട്ര നേതാവായി പ്രധാനമന്ത്രി നരേന്ദ്രമോദി.
നരേന്ദ്രമോദിയെ എക്സിൽ ഫോളോ ചെയ്യുന്നവരുടെ എണ്ണം 100 മില്യൺ കടന്നു. ഫോളോവേഴ്സിന്റെ എണ്ണത്തിൽ രാഷ്ട്രീയക്കാരെ മാത്രമല്ല വിരാട് കൊഹ്‍ലിയെയും നെയ്മർ ജൂനിയറും അടക്കമുള്ള കായിക താരങ്ങളെയും കടത്തിവെട്ടിയിരിക്കുകയാണ് പ്രധാനമന്ത്രി നരേന്ദ്രമോദി.

അമേരിക്കൻ പ്രസിഡന്റ് ജോ ബൈഡന് 38.1 മില്യൺ ഫോളോവേഴ്സും ദുബായ് ഭരണാധികാരി ഷെയ്ഖ് മുഹമ്മദിന് 11.2 മില്യൺ ഫോളോവേഴ്സും ഫ്രാൻസിസ് മാർപാപ്പയ്ക്ക് 18.5 മില്യൺ ഫോളോവേഴ്സും ആണുള്ളത്. അന്താരാഷ്ട്ര രംഗത്തെ ഈ പ്രമുഖരെക്കാൾ ബഹുദൂരം മുന്നിലാണ് ഇന്ത്യൻ പ്രധാനമന്ത്രി നരേന്ദ്രമോദി. എക്‌സിൽ കൂടാതെ യൂട്യൂബിലും ഇൻസ്റ്റാഗ്രാമിലും ഫോളോവേഴ്സിന്റെ എണ്ണത്തിൽ റെക്കോർഡ് നേട്ടമുള്ള രാഷ്ട്രീയ നേതാവ് കൂടിയാണ് നരേന്ദ്രമോദി. യൂട്യൂബിൽ അദ്ദേഹത്തിന് 25 മില്യൺ സബ്സ്ക്രൈബേഴ്സും ഇൻസ്റ്റാഗ്രാമിൽ 91 മില്യൺ ഫോളോവേഴ്സും ഉണ്ട്.