കൊറോണ: ചൈനയ്ക്ക് ഇന്ത്യയുടെ സഹായ വാഗ്ദാനം

ദില്ലി: കൊറോണ വൈറസ് പടർന്നുപിടിക്കുന്ന ചൈനയക്ക് ഇന്ത്യയുടെ സഹായ ഹസ്തം. കൊറോണയെ നേരിടാൻ ചൈനയ്ക്ക് എല്ലാ പിന്തുണയും നൽകുമെന്ന് കാട്ടി പ്രധാനമന്ത്രി നരേന്ദ്ര മോദി ചൈനീസ് പ്രസിഡൻറ് ഷീ ജിൻ പിംഗിന് കത്തയച്ചു. വൈറസ് ബാധയേത്തുടർന്ന് മരണമടഞ്ഞവർക്ക് അനുശോചനം രേഖപ്പെടുത്തുന്നതായി പ്രധാനമന്ത്രി കത്തിൽ വ്യക്തമാക്കി.

ഇന്ത്യക്കാരായ 600 പേരെ രാജ്യത്തേക്ക് തിരികയെത്തിക്കാൻ സഹായിച്ച ചൈനീസ് സർക്കാരിന് കത്തിലൂടെ പ്രധാനമന്ത്രി നന്ദിയറിയിച്ചു. 600ലേറെ പേരെയാണ് കഴിഞ്ഞയാഴ്ച എയർ ഇന്ത്യയുടെ രണ്ട് വിമാനങ്ങളിലായി ഇന്ത്യയിലേക്ക് തിരികെ കൊണ്ടുവന്നത്.