ഇലന്തൂർ നരബലി ;ലൈംഗികവൃത്തിക്കായി ഇലന്തൂരിലെ വീട്ടിൽ ഷാഫി മുമ്പും സ്ത്രീകളെ എത്തിച്ചു

പത്തനംതിട്ട :ഇലന്തൂർ ഇരട്ട നരബലി കേസിൽ ഷാഫിക്കെതിരെ കൂടുതൽ തെളിവുകൾ. ഷാഫി നേരത്തെയും സ്ത്രീകളെ ഇലന്തൂരിലെ വീട്ടിൽ എത്തിച്ചിരുന്നു. ഇലന്തൂരിൽ എത്തിച്ച രണ്ട് സ്ത്രീകളെ പോലീസ് ചോദ്യം ചെയ്തു. എറണാകുളം സ്വദേശികളായ ഇവർക്കൊപ്പം പോയ പുരുഷന്റെ മൊഴിയും പോലീസ് രേഖപ്പെടുത്തി

അതേസമയം കോളജ് വിദ്യാർഥിനികളെ ഇലന്തൂരിൽ എത്തിച്ചതായി വന്ന വാർത്ത വസ്തുതാവിരുദ്ധമാണെന്ന് പോലീസ് പറഞ്ഞു. ലൈംഗികവൃത്തിക്ക് വേണ്ടിയാണ് സ്ത്രീകളെ ഇലന്തൂരിൽ എത്തിച്ചത്. ഷാഫിക്കൊപ്പം തന്നെയായിരുന്നു യാത്ര. ലൈംഗികവൃത്തിക്കായി ഇടവും വാഹനവും ഒരുക്കി നൽകാമെന്ന് പറഞ്ഞാണ് ഷാഫി ഇവരെ ഇലന്തൂരിലെത്തിച്ചത്

അതേസമയം ഇവർക്ക് ലഹരി ഇടപാടുമായി ബന്ധമുണ്ടോയെന്നും പോലീസ് പരിശോധിക്കുന്നുണ്ട്. പ്രതികളുമായി അന്വേഷണ സംഘം ഇന്നും തെളിവെടുപ്പ് നടത്തുകയാണ്. പത്മയുടെ പാദസരം എറിഞ്ഞുകളഞ്ഞുവെന്ന് പറയപ്പെടുന്ന സ്ഥലത്ത് പരിശോധന നടത്തുകയാണ്.