ടൈ​റ്റാ​നി​യം ഡ​യോ​ക്‌​സൈ​ഡ് അട​ങ്ങി​യ ഭ​ക്ഷ്യ ഉ​ൽ​പ​ന്നങ്ങൾ നിരോധിക്കാനൊരുങ്ങി മസ്കത്ത്; ജൂ​ലൈ 22 മു​ത​ൽ നി​ല​വി​ൽ വരും, നിയമം ലംഘിച്ചാൽ 1,000 റി​യാ​ൽ പി​ഴ

മ​സ്ക​ത്ത്​: ടൈ​റ്റാ​നി​യം ഡ​യോ​ക്‌​സൈ​ഡ് ​അട​ങ്ങി​യ ഭ​ക്ഷ്യ ഉ​ൽ​പ​ന്ന​ങ്ങ​ളു​ടെ ഉ​ൽ​പാ​ദ​ന​വും ഇ​റ​ക്കു​മ​തി​യും വിപ​ണ​ന​വും രാ​ജ്യ​ത്ത്​ നി​രോ​ധി​ക്കു​ന്നു. ജൂ​ലൈ 22 മു​ത​ൽ നി​ല​വി​ൽ വ​രു​മെ​ന്ന്​ അ​ധി​കൃ​ത​ർ അ​റി​യി​ച്ചു. നി​യ​മം ലം​ഘി​ച്ചാ​ൽ 1,000 റി​യാ​ൽ പി​ഴ ചു​മ​ത്തും. ആ​വ​ർ​ത്തി​ച്ചാ​ൽ പി​ഴ ഇ​ര​ട്ടി​യാ​ക്കി ചു​മ​ത്തു​മെ​ന്നും അ​ധി​കൃ​ത​ർ വ്യക്തമാക്കി.

ഈ ​ഉ​ത്ത​ര​വി​റ​ങ്ങി​ ആ​റു മാ​സ​ത്തി​നു​ശേ​ഷ​മാ​ണ്​ നി​യ​മം പ്രാ​ബ​ല്യ​ത്തി​ൽ വ​രാ​ൻ പോ​കു​ന്ന​ത്. ഇ 171 ​എ​ന്ന​പേരി​ൽ അ​റി​യ​പ്പെ​ടു​ന്ന ടൈ​റ്റാ​നി​യം ഡ​യോ​ക്സൈ​ഡ് (TIO2) ഭ​ക്ഷ്യ​വ​സ്തു​ക്ക​ൾ നി​റ​വും ഭം​ഗി​യും ന​ൽ​കാ​നാ​ണ് ഉ​പ​യോ​ഗി​ക്കു​ന്ന​ത്. അ​തോ​ടൊ​പ്പം പെ​യി​ന്റു​ക​ൾ, കോ​ട്ടി​ങ്ങു​ക​ൾ, ഫാ​ർ​മ​സി​ക്യൂ​ട്ടി​ക്ക​ൽ, കോ​സ്മ​റ്റി​ക്, ടൂ​ത്ത് പേ​സ്റ്റ് എ​ന്നി​വ​യി​ലും ഇ​ത് ഉ​പ​യോ​ഗി​ക്കു​ന്നു​ണ്ട്. ഇ 171 ​തീ​രെ ചെ​റു​താ​യ​തി​നാ​ൽ സൂ​ക്ഷ്മ​ഘ​ട​ക വി​ഭാ​ഗ​ത്തി​ലാ​ണ് ഉ​ൾ​പ്പെ​ടു​ന്ന​ത്. ഇ​ത്ത​രം സൂ​ക്ഷ്മ ഘ​ക​ട​ങ്ങ​ൾ ഉ​ള്ള ഉ​ൽ​പ​ന്ന​ങ്ങ​ൾ​ക്ക് ശ​രീ​ര​ത്തി​ന്‍റെ പ്ര​കൃ​തി​ദ​ത്ത​മാ​യ പ്ര​തി​രോ​ധ മാ​ർ​ഗ​ങ്ങ​ളെ മ​റി​ക​ട​ന്ന് ക​ര​ൾ, ശ്വാ​സ​കോ​ശം, ദ​ഹ​നേ​​ന്ദ്രി​യ സം​വി​ധാ​നം എ​ന്നി​വ​യി​ലേ​ക്ക് പ്ര​വേ​ശി​ക്കാ​ൻ ക​ഴി​യും.