പുതുവത്സരാഘോഷങ്ങൾ ഇസ്ലാമിക വിരുദ്ധമാണെന്നുമുസ്ലിം പണ്ഡിതർ :ജനക്കൂട്ടത്തിൽ വെടിവെച്ച് പുതുവത്സരാഘോഷം;പാകിസ്താനിൽ സ്ത്രീകളും കുട്ടികളുംഉൾപ്പെടെ നിരവധി പേർക്ക് പരിക്ക്

കറാച്ചി: പുതുവർഷപ്പിറവിയിൽ സ്വയം മറന്നുള്ള ആഘോഷത്തിൽ പാകിസ്ഥാനിൽ നിരവധിപേർക്ക് പരിക്ക്. വെടിയുതിർത്ത് ആഘോഷിക്കുന്നതിനിടെയാണ് സ്ത്രീകൾക്കും കുട്ടികൾക്കുമടക്കം പരിക്കേറ്റത്. കറാച്ചിയിൽ മാത്രം 22 പേർക്ക് പരിക്കേറ്റതായുള്ള റിപ്പോർട്ടുകൾ പുറത്തുവന്നു.

ആഘോഷങ്ങളുമായി ബന്ധപ്പെട്ടുള്ള വെടിവെപ്പിന് പാകിസ്താനിൽ നിരോധനം ഉണ്ടെങ്കിലും മിക്കവരും ആ നിയമം പാലിക്കാറില്ല.വെടിവെപ്പുമായി ബന്ധപ്പെട്ട് വിവിധയിടങ്ങളിൽ ചാർജ് ചെയ്ത കേസുകളിൽ ഇതുവരെ 13 പേർ അറസ്റ്റിലായിട്ടുണ്ട്. ഇതിൽ മൂന്ന് പേർക്കെതിരെ വധശ്രമത്തിനാണ് കേസെടുത്തിരിക്കുന്നത്. പുതുവത്സരാഘോഷങ്ങൾ ഇസ്ലാമിക വിരുദ്ധമാണെന്നും ആരും അതിൽ പങ്കെടുക്കരുതെന്നും പാകിസ്താനിലെ വിവിധ ഇസ്ലാമിക പണ്ഡിതന്മാർ മുന്നറിയിപ്പ് നൽകിയിരുന്നു. ഇത് ശിരസ്സാവഹിച്ച് ജമാ അത്തെ ഇസ്ലാമി പോലുള്ള സംഘടനകൾ പുതുവർഷം ആഘോഷിക്കാൻ തെരുവിലിറങ്ങിയ യുവാക്കളെ കൈയ്യേറ്റം ചെയ്ത് ഓടിച്ചിരുന്നു.