ദേശീയ ചലച്ചിത്ര പുരസ്‌കാര ജേതാവ് വിഷ്ണു മോഹൻ വിവാഹിതനായി; ജീവിത സഖിയായത് പ്രമുഖ ബിജെപി നേതാവ് എ എൻ. രാധാകൃഷ്ണന്റെ മകൾ അഭിരാമി

ഇക്കൊല്ലത്തെ നവാഗത സംവിധായകനുള്ള ദേശീയ ചലച്ചിത്ര പുരസ്‌കാരം നേടിയ വിഷ്ണു മോഹൻ വിവാഹിതനായി. പ്രമുഖ ബിജെപി നേതാവ് എ.എൻ. രാധാകൃഷ്ണന്റെ മകൾ അഭിരാമിയാണ് വിഷ്ണു മോഹന്റെ ജീവിത സഖിയാകുന്നത്. ഉണ്ണി മുകുന്ദൻ നായക വേഷത്തിലെത്തിയ ‘മേപ്പടിയാൻ’ എന്ന ചിത്രമാണ് വിഷ്ണു മോഹനെ പുരസ്‌കാരത്തിന് അർഹനാക്കിയത്.ഉണ്ണി മുകുന്ദന്‍ ഫിലിംസിന്‍റെ ബാനറില്‍ ഉണ്ണി മുകുന്ദന്‍ ആദ്യമായി നിര്‍മിച്ച ചിത്രമായിരുന്നു മേപ്പടിയാന്‍. ഇക്കഴിഞ്ഞ ഏപ്രിൽ മാസമായിരുന്നു ഇരുവരുടെയും വിവാഹനിശ്ചയം. ചേരാനല്ലൂർ വച്ച് നടന്ന വിവാഹച്ചടങ്ങിൽ സിനിമാ–രാഷ്ട്രീയ രംഗത്തെ നിരവധി പ്രമുഖർ ആശംസകളുമായി എത്തി.

താരസമ്പന്നമായിരുന്നു വിഷ്ണുവിന്റെ വിവാഹം. മമ്മൂട്ടി, ഉണ്ണി മുകുന്ദൻ, സുരേഷ് ​ഗോപി, മേജർ രവി, കൃഷ്ണ കുമാർ, രൺജി പണിക്കർ, അനുശ്രീ, സൈജു കുറുപ്പ്, നിഷ ഉൾപ്പടെയുള്ളവർ വിവാഹത്തിൽ പങ്കെടുക്കാൻ എത്തി. യൂസഫ് അലി, കെ. സുരേന്ദ്രന്‍, പി എസ് ശ്രീധരന്‍ പിള്ള തുടങ്ങിയവരും വിവാഹത്തിൽ പങ്കെടുക്കാൻ എത്തിയിരുന്നു.

ബിജു മേനോനും നിഖില വിമലും കേന്ദ്ര കഥാപാത്രങ്ങളായി എത്തുന്ന പുതിയ ചിത്രത്തിന്റെ പണിപ്പുരയിലാണ് നിലവിൽ വിഷ്ണു മോഹൻ