പൊതു അവധി ദിവസങ്ങളിൽ ഇനി ഗുരുവായൂരിൽ സ്പെഷ്യൽ ദർശനം ഇല്ല;പരിഹാരമായത് വിശ്വാസികളുടെ ഏറെ നാളത്തെ ആവശ്യത്തിന്

തൃശൂർ: വിശ്വാസികളുടെ ഏറെ നാളത്തെ ആവശ്യമായിരുന്നു പൊതു അവധി ദിവസങ്ങളിൽ സ്പെഷ്യൽ ദർശനം നിർത്തി വെക്കണം എന്നത്.എന്നാൽ അതിനു ഇപ്പോൾ തീരുമാനമായിരിക്കുകയാണ്.ഗുരുവായൂർ ദേവസ്വം ബോർഡിന്റേതാണ് തീരുമാനം.പൊതു അവധി ദിവസങ്ങളിൽ വലിയ തിരക്കാണ് ​ഗുരുവായൂർ ക്ഷേത്രത്തിൽ അനുഭവപ്പെടുന്നത്. അതിനിടെ സ്പെഷ്യൽ ദർശനം അനുവദിക്കുന്നത് ക്യൂ നിൽക്കുന്നവർക്ക് കൂടുതൽ പ്രയാസം സൃഷ്ടിക്കുന്നുണ്ട്. ഇതുമായി ബന്ധപ്പെട്ട വിശ്വാസികൾ നിരവധി തവണ പരാതികൾ ഉന്നയിച്ചിരുന്നു. ക്യൂ നിൽക്കുന്നത് ബുദ്ധിമുട്ടിലാകുന്നുവെന്ന ജനങ്ങളുടെ ആവശ്യം മുൻനിർത്തിയാണ് ഇത്തരമൊരു തീരുമാനത്തിലെത്തിയത്.

ഇന്നലെ ദർശനത്തിന് വൻ തിരക്ക് ഉണ്ടായിരുന്നെങ്കിലും ഉച്ചയ്ക്ക് 1.45ഓടെ ക്യൂ നിന്ന മുഴുവൻ പേർക്കും ദർശനം ലഭിച്ചു. പിന്നീട് എത്തിയവർക്കും ജീവനക്കാർക്കും ദർശനം നൽകി രണ്ടരയോടെയാണ് നടയടച്ചത്. വൈശാഖം പിറന്നതോടെ ദർശനത്തിന് വൻ തിരക്കാണ്. ക്ഷേത്രം ഗോപുരത്തിൽനിന്ന് ടോക്കൺ വാങ്ങി ദർശനം നടത്തുന്നവരുടെ എണ്ണം വർധിച്ചതോടെ ഭക്തർക്ക് അഞ്ചും ആറും മണിക്കൂർ ക്യൂ നിൽക്കേണ്ട സാഹചര്യമായിരുന്നു. പുതിയ തീരുമാനത്തോടെ ഇത് ഒഴിവായി