പ്രവാസികളുടെ പണം തട്ടി; വയനാട്ടിൽ ലീഗ് നേതൃത്വത്തിനെതിരെ നോട്ടീസ് വിതരണം ചെയ്ത് നേതാക്കൾ

വയനാട്: മുസ്ലീം ലീഗ് (Muslim League) നേതൃത്വത്തിനെതിരെ നോട്ടീസ് വിതരണം ചെയ്ത് നേതാക്കൾ. സൂപ്പർ മാർക്കറ്റ് തുടങ്ങി ലീഗ് നേതാക്കൾ പ്രവാസികളുടെ പണം തട്ടിയെന്നാണ് ആരോപണം. നേതാക്കൾ റിയൽ എസ്റ്റേറ്റ് തട്ടിപ്പുകാരാണെന്നും നോട്ടീസിൽ പറയുന്നുണ്ട്. നേതാക്കളായ സഹോദരങ്ങളെ പരാമർശിച്ചാണ് നോട്ടീസുകൾ പ്രത്യക്ഷപ്പെട്ടിരിക്കുന്നത്.

അതോടൊപ്പം പ്രവാസികളുടെ പ്രളയ സഹായവും ലീഗ് നേതാക്കൾ മുക്കിതായും ആക്ഷേപമുണ്ട്. കോഴിക്കോടും വയനാടും സൂപ്പർമാർക്കറ്റുകളും ആരംഭിക്കുമെന്ന് പറഞ്ഞ് വൻ തുക പറ്റിച്ചെന്നും, ജില്ലയിലെ ലീഗ് നേതൃത്വത്തിലെ സഹോദരങ്ങൾ ഫാം തുടങ്ങാൻ വൻ പണം പിരിച്ച് പ്രവാസികളായ ലീഗ് അണികളെ പറ്റിച്ചുവെന്നും, കെഎംസിസി ഫണ്ടുകളിൽ നേതാക്കൾ നടത്തുന്നത് വൻ വെട്ടിപ്പാണെന്നും നോട്ടീസിൽ ആരോപിക്കുന്നുണ്ട്.

അതേസമയം അഴിമതികളിൽ പരാതി പറയുന്നവരെ അപമാനിച്ച് ഇറക്കിവിടുകയാണ് നേതൃത്വം ചെയ്യുന്നത്. സമുദായത്തെയും പ്രസ്ഥാനത്തെയും കരുവാക്കിയാണ് ഇവർ ഇത്തരം അഴിമതികൾ ചെയ്യുന്നത്.
ലീഗ് ജില്ലാ കമ്മറ്റി അംഗങ്ങളെ പേരെടുത്ത് പരാമർശിച്ച് പ്രളയഫണ്ട് തിരിമറിയിൽ പോസ്റ്ററുകൾ പത്യക്ഷപ്പെട്ടതിന് പിന്നാലെയാണ് കൂടുതൽ ആരോപണങ്ങളുമായി പ്രവർത്തകരുടെ നോട്ടീസ് വിതരണം.