‘ബാബുവിന്റെ കഥ സിനിമയാക്കാൻ ഒമര്‍ ലുലു?; പ്രണവ് മോഹൻലാൽ നായകൻ’; സത്യാവസ്ഥ വെളിപ്പെടുത്തി സംവിധായകൻ

കേരളക്കരയിൽ ചർച്ചയായ മലമ്പുഴയിലെ ചെറാട് മലയിലെ പാറയിടുക്കിൽ 43 മണിക്കൂറിലേറെ കുടുങ്ങിപ്പോയ ബാബുവിന്റെ ജീവിതം സിനിമയാകുന്നെന്ന വാർത്ത തെറ്റെന്ന് ഒമർ ലുലു. സമൂഹ മാധ്യമങ്ങളിൽ ബാബുവിന്റെ കഥ ഒമര്‍ സിനിമയാക്കുന്നെ വാർത്ത വന്നിരുന്നു.

അതേസമയം ഇതിനു പിന്നാലെ തന്നെ ഒമര്‍ സംവിധാനം ചെയ്യുന്ന ചിത്രത്തിൽ പ്രണവ് മോഹന്‍ലാൽ നായകനാകുമെന്നും സമൂഹമാധ്യമങ്ങളിൽ പ്രചരിച്ചു. ഇതോടെയാണ് പ്രതികരണവുമായി അദ്ദേഹം രംഗത്ത് എത്തിയത്. പവർസ്റ്റാർ എന്ന സിനിമയുടെയും ആദ്യ ബോളിവുഡ് സിനിമ എന്ന സ്വപ്നത്തിന്റെയും പുറകെയാണ് ഇപ്പോഴെന്നാണ് പ്രചരിക്കുന്ന വാർത്ത തെറ്റാണെന്നറിയിച്ച് ഒമർ പറഞ്ഞത്.

‘ഇങ്ങനെ ഒരു ട്രോള്‍ പരക്കുന്നത് ശ്രദ്ധയില്‍പ്പെട്ടു. ഞാന്‍ ഇപ്പോ പവര്‍സ്റ്റാര്‍ എന്ന സിനിമയുടെയും എന്റെ ആദ്യ ബോളിവുഡ് സിനിമ എന്ന സ്വപ്നത്തിന്റെയും പുറകെയാണ്. ബാബുവിന്റെ ജീവിതം സിനിമയെടുക്കുന്നതിനെ പറ്റി ഞാന്‍ ചിന്തിച്ചിട്ട് പോലും ഇല്ല. ബാബുവിന് എല്ലാവിധ നന്മകള്‍ നേരുന്നു’,ഒമർ ഫേസ്ബുക്കിൽ കുറിച്ചു.