സൊണാലി ഫോഗട്ടിന്റെ മരണം ; ലാപ്‌ടോപ്പും മൊബൈൽ ഫോണും മോഷ്ടിച്ചയാളെ ഹരിയാന പോലീസ് അറസ്റ്റ് ചെയ്തു; കുടുംബാംഗങ്ങളുടെ ആരോപണത്തെത്തുടർന്നുള്ള അന്വേഷണത്തിലാണ് പ്രതിയെ അറസ്റ് ചെയ്തത്

മുംബൈ :സൊണാലി ഫോഗട്ടിന്റെ ഫോണും ലാപ്‌ടോപ്പും മോഷ്ടിച്ച പ്രതിയെ ഹരിയാന പോലീസ് അറസ്റ്റ് ചെയ്തു.ചൊവ്വാഴ്ച്ച സോണാലി ഫോഗട്ടിന്റെ ഫാം ഹൗസിലെ ഓഫീസിൽ നിന്ന് ഒരു കമ്പ്യൂട്ടർ ഓപ്പറേറ്റർ ഫോഗട്ടിന്റെ മൊബൈലും ലാപ്‌ടോപ്പും മോഷ്ടിച്ചതായി അവരുടെ കുടുംബാംഗങ്ങൾ ആരോപിച്ചിരുന്നു. തുടർന്നുള്ള വിശദമായ അന്വേഷണത്തിലാണ് പ്രതിയെ അറസ്റ് ചെയ്തത്.

നോർത്ത് ഗോവയിലെ റെസ്റ്റോറയിൽ നടന്ന പാർട്ടിക്കിടെ ഹരിയാനയിലെ ബിജെപി നേതാവ് സൊണാലി ഫോഗട്ടിന് പാനീയങ്ങളിലൂടെ വിഷം നൽകിയാതായി കണ്ടെത്തി അവരുടെ രണ്ട് സഹായികളെ അറസ്റ് ചെയ്തിരുന്നു . സുധീർ സാഗ്വാനും സുഖ്‌വീന്ദർ സിങ്ങും ആണ് അറസ്റ്റിലായത്. ഇവർ വിഷം നൽകുന്നതിന്റെ ദൃശ്യം സിസിടിവി ഇത് നിന്ന് കണ്ടെത്തിയിരുന്നു.ഓഗസ്റ്റ് 23 രാവിലെയാണ് ഫോഗാട്ടിനെ മരിച്ച നിലയിൽ കണ്ടെത്തിയത്.

ഫൊഗാട്ടിന്റെ ഫാം ഹൗസിൽ നിന്ന് ഫൊഗാട്ടിന്റെ ലാപ്‌ടോപ്പ്, ഡിവിആർ, മൊബൈൽ, മറ്റ് സാധനങ്ങൾ എന്നിവ മോഷ്ടിച്ചതിന് ശേഷം കമ്പ്യൂട്ടർ ഓപ്പറേറ്റർ ശിവം ഒളിവിലാണെന്ന് ഫോഗട്ടിന്റെ കുടുംബാംഗങ്ങൾ ആരോപിച്ചിരുന്നു.തുടർന്നാണ് അറസ്റ്റ് രേഖപ്പെടുത്തിയത്.