സർക്കാർ വീഴ്ച ഗുരുതരം!! വൻ ദുരന്തം ഒഴിവായത് തല നാരിഴയ്ക്ക്;കൊച്ചിയിൽ പുതുവത്സരോഘോഷത്തില്‍ പങ്കെടുക്കാനെത്തിയ അഞ്ച് ലക്ഷം വരുന്ന ജനക്കൂട്ടത്തെ പരിചരിക്കാൻ മൂന്ന് ആംബുലന്‍സും ഒരു ഡോക്ടറും മാത്രം !!

കൊച്ചി: കൊച്ചിയിലെ പുതുവര്‍ഷാഘോഷത്തിനിടെ തലനാരിഴയ്ക്ക് വന്‍ ദുരന്തം ഒഴിവായി. ആഘോഷത്തില്‍ പങ്കെടുക്കാനായി നഗരത്തിൽ ഒഴുകിയെത്തിയത് അഞ്ച് ലക്ഷത്തോളം പേരാണ്. തിരക്കില്‍പ്പെട്ട് 200 -ല്‍ അധികം പേരാണ് ആശുപത്രിയില്‍ ചികിത്സ തേടിയത്. പോലീസുകാരുൾപ്പെടെ ടെ നിരവധിയാളുകള്‍ കുഴഞ്ഞു വീണു എന്നാണു റിപ്പോർട്ട്.

പുതുവര്‍ഷാഘോഷത്തിന്റെ ഭാഗമായുണ്ടാവുന്ന വന്‍ ജനക്കൂട്ടത്തെ കൈകാര്യംചെയ്യുന്നതിനുള്ള സൗകര്യങ്ങള്‍ ഒരുക്കുന്ന കാര്യത്തില്‍ അധികൃതർക്ക് വീഴ്ചയുണ്ടായെന്ന ആരോപണം ഉയരുന്നുണ്ട്. ഇത്തരം സാഹചര്യങ്ങള്‍ നേരിടാന്‍ അടിയന്തിര ആരോഗ്യ സേവനങ്ങളൊന്നുംതന്നെ നഗരത്തിൽ ഒരുക്കിയിരുന്നില്ല.മൂന്ന് ആംബുലന്‍സ് ഒരുക്കിയിരുന്നു. ഇതില്‍ ഒരു ഡോക്ടറാണുണ്ടായിരുന്നത്. തൊട്ടടുത്തുള്ള താലൂക്ക് ആശുപത്രിയിലും ഒരു ഡോക്ടര്‍ മാത്രമാണ് ഡ്യൂട്ടിയിലുണ്ടായിരുന്നത്. 200-ഓളം പേര്‍ ഇവിടെ ചികിത്സ തേടി എത്തിയെങ്കിലും അവര്‍ക്ക് പിന്നീട് മറ്റ് ആശുപത്രികളിലേക്ക് പോകേണ്ടിവന്നു.