വിശ്വാസികളെ ചോദ്യം ചെയ്ത് വീണ്ടും സി പി എം ; ക്ഷേത്രോത്സവത്തിന്റെ ഭാഗമായ കലശം വരവിൽ പി ജയരാജന്റെ ചിത്രം,പ്രതിഷേധം ശക്തം

കണ്ണൂർ :വീണ്ടും വിശ്വാസികളെ ചോദ്യം ചെയ്ത് സി പി എം. ക്ഷേത്രോത്സവത്തിന്റെ ഭാഗമായ കലശം വരവിൽ പി ജയരാജന്റെ ചിത്രം.കതിരൂർ കൂർമ്പക്കാവിലെ ഉത്സവത്തിന്റെ ഭാഗമായുള്ള താലപ്പൊലി ഘോഷയാത്രക്കിടെയാണ് കലശം വരവ് നടന്നത്.ഈ കലശം വരവിലാണ് പി ജയരാജന്റെ ചിത്രം ഉൾപ്പെടുത്തിയത്. നേരത്തെ വ്യക്തി ആരാധന വിവാദത്തിൽ പാർട്ടിയിൽ വലിയ പ്രതിസന്ധി നേരിട്ട വ്യക്തിയാണ് പി ജയരാജൻ. അതിന് പിന്നാലെ താക്കീതും മറ്റു നടപടികളുമൊക്കെ ഉണ്ടാവുകയും ചെയ്തതാണ്.ഇതിന് പിന്നാലെയാണ് നിലവിലെ വിവാദം.ഇത് വീണ്ടും വിശ്വാസികളുടെ ആരാധനയെയും അവരുടെ വിശ്വാസത്തെയും തകർക്കുന്ന രീതിയാണ്.തുടർച്ചയായി ഹൈന്ദവ വിശ്വാസങ്ങൾക്ക് പോറലേൽക്കുന്ന വിധത്തിൽ നിരവധി കൊള്ളരുതായ്മകളാണ് സി പി എം ചെയ്ത് വരുന്നത്.

അതേസമയം എം വി ഗോവിന്ദൻ നയിക്കുന്ന ജനകീയ പ്രതിരോധ ജാഥയിൽ സഖാക്കൾ ഓണാട്ടുകരയിലെ ജീവത എഴുന്നള്ളത്തിനെ അപമാനിച്ചുവെന്നുമുള്ള ആക്ഷേപവും ഉയരുന്നുണ്ട്.ആലപ്പുഴ ജില്ലയിലെ ഓണാട്ടുകര പ്രദേശത്തും മധ്യതിരുവിതാകൂറിലും ദേവീക്ഷേത്രങ്ങളിലെ ഉത്സവങ്ങളോട് അനുബന്ധിച്ച് ദേശ പരദേവത തട്ടകത്തുള്ള ഭവനങ്ങളിൽ ആഘോഷപൂർവ്വം എത്തുന്ന ദേവ വാഹനമാണ് ജീവത. ഈ എഴുന്നള്ളത്തിനെയാണ് സഖാക്കൾ അപമാനിച്ചത്. ജനകീയ പ്രതിരോധ ജാഥ ചെങ്ങന്നൂരിലെത്തിയപ്പോഴായിരുന്നു സംഭവം. ഇതിന് പിന്നാലെ സമൂഹമാദ്ധ്യമങ്ങളിൽ കടുത്ത പ്രതിഷേധമാണുയർന്നത്.