പഞ്ചാബിലെ ഇന്ത്യ – പാകിസ്ഥാന്‍ അതിര്‍ത്തിൽ നിന്നും പാക് ഡ്രോണ്‍ കണ്ടെത്തി; അന്വേഷണം ആരംഭിച്ച് ബി.എസ്.എഫ്

ഫിറോസ്പൂർ: ഇന്ത്യ-പാക് അതിർത്തിക്ക് സമീപം പാകിസ്ഥാൻ ഡ്രോൺ കണ്ടെത്തി. പഞ്ചാബിലെ ഫിറോസ്പൂരിലെ അതിർത്തിയിൽ നിന്നാണ് പാക് ഡ്രോൺ കണ്ടെത്തിയത്. പ്രദേശത്തെ ഒരു പാടത്തു നിന്നാണ് അതിർത്തി രക്ഷാസേന ഡ്രോൺ കണ്ടെത്തിയത്. സംഭവത്തിൽ ബി.എസ്.എഫ് അന്വേഷണം ആരംഭിച്ചിട്ടുണ്ട്.

ഡിജെഐ മാട്രിസ് 300 ആർടികെ വിഭാഗത്തിൽ പെടുന്ന ക്വാഡ്കോപ്റ്റർ ഡ്രോണാണ് കണ്ടെത്തിയത്. ഫിറോസ്പൂർ അതിർത്തിക്ക് സമീപത്തെ ഛക് ബാങ്കെ വാല ഗ്രാമത്തിൽ ശനിയാഴ്ച നടത്തിയ തിരച്ചിലിൽ ഒരു നെൽവയലിൽ നിന്നാണ് ഡ്രോൺ കണ്ടെടുത്തതെന്ന് ബിഎസ്എഫ് അറിയിച്ചു.