തുർക്കിക്ക് ഇന്ത്യയുടെ സഹായ ഹസ്തം ; സഹായവുമായിപോയ ഇന്ത്യയുടെ വ്യോമസേനാ വിമാനങ്ങൾക്ക് പാകിസ്ഥാൻ വ്യോമാതിർത്തി നിഷേധിച്ചു;

തുർക്കി ദുരന്ത ഭൂമിയിൽ സഹായത്തിനായി കാത്തുനിൽക്കുകയാണ് ഒരു കൂട്ടം മനുഷ്യ ജീവനുകൾ. ചൊവ്വാഴ്ച പുലർച്ചെ തുർക്കിക്ക് വൈദ്യസഹായവുമായി പോവുകയായിരുന്ന ഇന്ത്യയുടെ വ്യോമസേനാ വിമാനങ്ങൾക്ക് പാകിസ്ഥാൻ വ്യോമാതിർത്തി നിഷേധിച്ചു.ഇത് രണ്ടാം തവണയാണ് ഇന്ത്യ ആവശ്യമുള്ള രാജ്യങ്ങൾക്ക് സഹായം ചെയ്യുന്നത് തടയാൻ പാകിസ്ഥാൻ ശ്രമിക്കുന്നത്.പടിഞ്ഞാറൻ ഏഷ്യയുടെ ചരിത്രത്തിലെതന്നെ ഏറ്റവും വിനാശകരമായ ഭൂകമ്പങ്ങളിലൊന്നായിട്ടാണ് തുർക്കി ഭൂകമ്പത്തെ കണക്കാക്കുന്നത്. 7.9 തീവ്രത രേഖപ്പെടുത്തിയ ഭൂകമ്പമാണ് തുർക്കിയിലും സിറിയയിലും ഉണ്ടായത്.

ഇന്ത്യൻ നാഷണൽ ഡിസാസ്റ്റർ റെസ്‌പോൺസ് ഫോഴ്‌സ് (എൻ‌ഡി‌ആർ‌എഫ്) ടീമുകൾ‌ ആധുനിക ഡ്രില്ലിംഗ് ഉപകരണങ്ങളും മെഡിക്‌സും റെസ്‌ക്യൂ ഡോഗ്‌സും സഹിതം ഇതിനകം അദാന വിമാനത്താവളത്തിൽ ഇറങ്ങിയിരുന്നുവെങ്കിലും പാകിസ്ഥാൻ അവരുടെ വ്യോമാതിർത്തി ഉപയോഗിക്കാൻ വിമാനത്തിന് അനുമതി നിഷേധിച്ചതിനാൽ അവർക്ക് വഴിമാറി പോകേണ്ടിവന്നു.

തുർക്കിയിലെത്തിയ ഇന്ത്യൻ ദൗത്യത്തിന് തുർക്കിയെ രക്ഷിക്കാൻ സാധിക്കും. രക്ഷാപ്രവർത്തനങ്ങൾ ഉടൻ ആരംഭിക്കും. ഇന്ത്യയിലെ തുർക്കി എംബസി ഇന്ത്യൻ സർക്കാർ നൽകിയ സഹായത്തിന് നന്ദി അറിയിച്ചിട്ടുണ്ട്. ഭൂകമ്പ ദുരിതാശ്വാസ സാമഗ്രികളുടെ ആദ്യ ബാച്ച് എൻഡിആർഎഫിന്റെ പ്രത്യേക സെർച്ച് & റെസ്ക്യൂ ടീമുകളും പരിശീലനം ലഭിച്ച ഡോഗ് സ്ക്വാഡുകളും ഇപ്പോൾ തുർക്കിയിൽ എത്തി. നിങ്ങളുടെ പിന്തുണയ്ക്കും ഐക്യദാർഢ്യത്തിനും ഇന്ത്യയ്ക്ക് നന്ദി,എന്ന് തുർക്കി എംബസി ട്വീറ്റ് ചെയ്തു