വിഭജനം നടക്കേണ്ടിയിരുന്നില്ല എന്നാവും പാകിസ്ഥാൻ ഇപ്പോൾ ചിന്തിക്കുന്നത്-സാമ്പത്തിക പ്രതിസന്ധിയിൽ നടുവൊടിഞ്ഞ പാകിസ്ഥാനെ പരിഹസിച്ച് ജാവഡേക്കർ

ദില്ലി :2047-ഓടെ ഇന്ത്യ ലോക സമ്പദ്‌വ്യവസ്ഥയിലെ ഒന്നാമത്തെയോ രണ്ടാമത്തെയോ സ്ഥാനം അലങ്കരിക്കുന്ന വൻ സാമ്പത്തിക ശക്തിയായി വളർന്നു വരുമെന്ന് ബി.ജെ.പി. എം.പി പ്രകാശ് ജാവഡേക്കര്‍ അഭിപ്രായപ്പെട്ടു. പ്രധാന മന്ത്രി നരേന്ദ്ര മോദിയുടെ ഭരണത്തില്‍ രാജ്യം അതിവേഗം പുരോഗതിയാര്‍ജ്ജിക്കുകയാണെന്നും . രാഷ്ട്രീയ വ്യത്യാസങ്ങളില്ലാതെ എല്ലാവരേയും ചേര്‍ത്തു നിര്‍ത്തുന്നവരാണ് മോദി സര്‍ക്കാരെന്നും ജാവഡേക്കര്‍ പറഞ്ഞു.

തമിഴ്, മലയാളം, കന്നട ഉള്‍പ്പടെ എല്ലാ പ്രാദേശിക ഭാഷകളും ഉയര്‍ത്തികൊണ്ടുവരാനാണ് ബിജെപി സർക്കാർ ശ്രമിക്കുന്നതെന്നും അദ്ദേഹം വ്യക്തമാക്കി.

അവിശ്വാസികളായ കമ്മ്യൂണിസ്റ്റുകാര്‍ ക്ഷേത്രങ്ങളുടെ ഭരണം കൈയ്യാളുന്നത് ഒരിക്കലും ജനാധിപത്യമല്ല. 2024-ല്‍ കേരളം മാറി ചിന്തിക്കുമെന്ന പ്രത്യാശയും അദ്ദേഹം പങ്കു വച്ചു. ‘ഇന്ത്യ ഇന്ന് പുരോഗതിയിലേക്കു നടന്നടുക്കുമ്പോള്‍ ഇന്ത്യയുടെ ഭാഗമായിരുന്ന പാകിസ്ഥാൻ ഇന്ന് കടുത്ത പ്രതിസന്ധിയിലാണ്. ഗോതമ്പിനു വേണ്ടി തമ്മിലടിക്കുന്നു. വിഭജനം നടക്കേണ്ടിയിരുന്നില്ല എന്നാവും പാകിസ്ഥാൻ ഇപ്പോള്‍ ചിന്തിക്കുന്നത് ‘ ജാവഡേക്കർ പറഞ്ഞു നിർത്തി.