കൊച്ചിൻ കാർണിവലിൽ ‘ഗവർണറും തൊപ്പിയും’ നാടകത്തിന് ഭാഗിക വിലക്ക് ! നാടകത്തിൽ ഗവർണർ എന്ന വാക്ക് ഉപയോഗിക്കരുതെന്ന് ആർഡിഒ.നടപടി ബിജെപി നൽകിയ പരാതിയെ തുടർന്ന്

കൊച്ചിൻ കാർണിവലിൽ‘ഗവർണറും തൊപ്പിയും’ എന്ന നാടകത്തിന് ഭാഗികവിലക്ക് ഏർപ്പെടുത്തി ഫോർട്ട്കൊച്ചി ആർഡിഒ. ബിജെപി മട്ടാഞ്ചേരി മണ്ഡലം കമ്മിറ്റിയുടെ പരാതിയിലാണ് നടപടി.ഭരണഘടന പദവിയിരിക്കുന്നവരെ അവഹേളിക്കുന്നു എന്നായിരുന്നു പരാതി. നാടകത്തിൽ എവിടേയും ഗവർണർ എന്ന വാക്ക് ഉപയോഗിക്കരുത്, കേന്ദ്ര–സംസ്ഥാന സർക്കാരുകളെ പരാമർശിക്കുന്നതൊന്നും പാടില്ല, സംസാരരീതി, വേഷം, മതപരമായ കാര്യം തുടങ്ങിയവ ഒഴിവാക്കണമെന്നാണ് ഫോർട്ട്കൊച്ചി ആർഡിഒയുടെ ഉത്തരവ്.

കാർണിവലിൽ ഇന്ന് അവതരിപ്പിക്കാനിരുന്ന നാടകമായിരുന്നു ഇത്. നാട്ടക് കൊച്ചി മേഖലയായിരുന്നു അവതാരകർ. അതേസമയം നാടകത്തിൽ രാഷ്ട്രീയമില്ല എന്നും നാടകത്തിന്റെ പേരു മാറ്റാനോ ഉള്ളടക്കം തിരുത്താനോ കഴിയില്ലെന്നും സർക്കാർ അനുമതി തേടി അടുത്ത ദിവസങ്ങളിൽ നാടകം അവതരിപ്പിക്കാനാണ് ശ്രമമെന്നും നാട്ടക് കൊച്ചി മേഖല കമ്മിറ്റി ഭാരവാഹികൾ വ്യക്തമാക്കി.