ലോകമെമ്പാടുമുള്ള മരണങ്ങളിൽ മുക്കാൽ ഭാഗവും സാംക്രമികേതര രോഗങ്ങളാണ്: ലോകാരോഗ്യ സംഘടനയുടെ റിപ്പോർട്ട് പുറത്ത്

ലോകത്തിലെ മരണങ്ങളിൽ മുക്കാൽ ഭാഗവും ഹൃദ്രോഗം, കാൻസർ, പ്രമേഹം, ശ്വാസകോശ സംബന്ധമായ അസുഖങ്ങൾ തുടങ്ങിയ സാംക്രമികേതര രോഗങ്ങളാൽ സംഭവിക്കുന്നവയാണെന്ന് ലോകാരോഗ്യ സംഘടന റിപ്പോർട്ട്‌.

കൂടാതെ 70 വയസ്സിന് താഴെയുള്ള 17 ദശലക്ഷം ആളുകൾ പ്രതിവർഷം സാംക്രമികേതര രോഗങ്ങൾ മൂലം മരിക്കുന്നതായി സംഘടന റിപ്പോർട്ട് ചെയ്യുന്നു.

ഇൻവിസിബിൾ നമ്പറുകൾ എന്ന തലക്കെട്ടിലുള്ള ഡബ്ല്യുഎച്ച്ഒ റിപ്പോർട്ട്, സാംക്രമികേതര രോഗങ്ങൾക്ക് ഭാരത്തിലുള്ള വ്യാപ്തി, അപകടസാധ്യത ഘടകങ്ങൾ, ഈ രോഗങ്ങളെയും അവസ്ഥകളെയും പ്രതിരോധിക്കാനുള്ള ശ്രമങ്ങളിൽ ഓരോ രാജ്യവും കൈവരിച്ചുകൊണ്ടിരിക്കുന്ന പുരോഗതി എന്നിവയും എടുത്തുകാണിക്കുന്നു.

“ഓരോ രണ്ട് സെക്കൻഡിലും 70 വയസ്സിന് താഴെയുള്ള ഒരാൾ സാംക്രമികേതര രോഗങ്ങൾ ബാധിച്ച് മരിക്കുന്നു,” ലോകാരോഗ്യ സംഘടന അതിന്റെ റിപ്പോർട്ടിൽ പറഞ്ഞു.

കൂടാതെ, സാംക്രമികേതര രോഗങ്ങളായ ഹൃദ്രോഗം, കാൻസർ, പ്രമേഹം, ശ്വാസകോശ രോഗങ്ങൾ എന്നിവ ആഗോളതലത്തിൽ സാംക്രമിക രോഗങ്ങളേക്കാൾ കൂടുതൽ മരണങ്ങൾക്ക് കാരണമാകുന്നു.