ദില്ലി : പ്രധാനമന്ത്രി നരേന്ദ്ര മോദിയുടെ റേഡിയോ പ്രക്ഷേപണം ‘മൻ കി ബാത്ത്’ 100-ാം പതിപ്പിലേക്ക് എത്തുന്നതിന്റെ പശ്ചാത്തലത്തില്, ലോകം മുഴുവനും പ്രക്ഷേപണം ചെയ്യാന് ഒരുങ്ങുന്നു. ഇതിനുള്ള വിപുലമായ ഒരുക്കത്തിലാണ് ബിജെപി.
‘ലോക രാഷ്ട്രങ്ങള്ക്ക് ഏറെ പ്രിയങ്കരനായ നേതാവ് കൂടിയായ പ്രധാനമന്ത്രി നരേന്ദ്ര മോദിയുടെ പ്രവൃത്തികള് ഇന്ന് ലോകം മുഴുവന് അഭിനന്ദിക്കപ്പെടുകയാണ്. ജനങ്ങള് അദ്ദേഹത്തെ കേള്ക്കാന് ആഗ്രഹിക്കുന്നു. അതിനാല് മന് കി ബാത്തിന്റെ 100-ാം പതിപ്പ് കഴിയുന്നത്ര രാജ്യങ്ങളിലേക്ക് എത്തിക്കുകയാണ് ലക്ഷ്യം’, ബിജെപി നേതൃത്വം വ്യക്തമാക്കി.
മന് കി ബാത്തിലൂടെ പ്രധാനമന്ത്രി നരേന്ദ്ര മോദി പരാമര്ശിക്കുന്ന പേരുകളുള്ള വ്യക്തികളെ അതത് സംസ്ഥാനങ്ങളിലെ മുഖ്യമന്ത്രിയും ഗവര്ണറും ചേര്ന്ന് ആദരിക്കുന്നതിന് വേണ്ട ഒരുക്കങ്ങളും പൂര്ത്തിയാക്കിയിട്ടുണ്ട്. മന് കി ബാത്തിന്റെ പ്രക്ഷേപണം ദില്ലിയിലെ വലിയ വേദിയില് വച്ച് ജനങ്ങളെ കേള്പ്പിക്കുമെന്നും ബിജെപി നേതാക്കള് അറിയിച്ചു.
എല്ലാ ലോക്സഭ മണ്ഡലങ്ങളിലും100 സ്ഥലങ്ങളിലായി മന് കി ബാത്ത് പ്രക്ഷേപണം നടത്തും. ഇവിടെ 100ഓളം പേര്ക്ക് പരിപാടി ഇരുന്ന് കേള്ക്കുന്നതിനുള്ള സൗകര്യങ്ങള് സജ്ജമാക്കും. ഡോക്ടര്മാര്, എഞ്ചിനീയര്മാര്, അദ്ധ്യാപകര്, സാമൂഹ്യ പ്രവര്ത്തകര് തുടങ്ങി സമൂഹത്തിലെ എല്ലാ വിഭഗത്തിലുമുള്ളവരുടെ സാന്നിധ്യം പരിപാടിയില് ഉറപ്പുവരുത്തും. കൂടാതെ പദ്മ ഭൂഷണ്, പദ്മ വിഭൂഷണ് എന്നീ പുരസ്കാരങ്ങള് ലഭിച്ചവരെയും ചടങ്ങില് ആദരിക്കും.
മന് കി ബാത്ത് 100-ാം പതിപ്പിന്റെ ചുമതല ബിജെപി ദേശീയ ജനറല് സെക്രട്ടറി ദുഷ്യന്ത് ഗൗതത്തിനും വിനോദ് താവ്ദെയ്ക്കുമാണ്. ഏപ്രില് 30നാണ് പ്രക്ഷേപണം നടക്കുക. ഇന്ത്യയിലാകെ ഒരു ലക്ഷത്തിലധികം ബൂത്തുകളില് 100-ാം പതിപ്പിന്റെ പ്രക്ഷേപണം സംഘടിപ്പിക്കാനാണ് ഉദ്ദേശ്യമെന്നും ബിജെപി അറിയിച്ചു. 2014 ഒക്ടോബര് മൂന്നിനായിരുന്നു പ്രധാനമന്ത്രിയുടെ പ്രതിമാസ പരിപാടിയായ മന് കി ബാത്ത് ആരംഭിച്ചത്.
കള്ളക്കടൽ പ്രതിഭാസമുണ്ടാകാനുള്ള സാധ്യതയെ തുടർന്ന് കേരള തീരത്തും, തെക്കൻ തമിഴ്നാട് തീരത്തും റെഡ് അലർട്ട് പ്രഖ്യാപിച്ച് ദേശീയ സമുദ്രസ്ഥിതിപഠന ഗവേഷണ…
ഒരു രക്തഹാരം ഞാന് അണിയിക്കുന്നു, കുട്ടിയൊരു രക്തഹാരം ഇങ്ങോട്ടണിയിക്കുന്നു..പിന്നെയൊരു ഗ്ളാസ് നാരങ്ങാവെള്ളം...വിവാഹ ചടങ്ങു തീര്ന്നു ഈ രീതിയില് നടത്തുന്നതൊന്നും ഹിന്ദു…
തിരുവനന്തപുരം : നടുറോഡില് മേയര് ആര്യ രാജേന്ദ്രനും കെഎസ്ആര്ടിസി ഡ്രൈവറും തമ്മിലുണ്ടായ തര്ക്കമുണ്ടായ സംഭവത്തിൽ ഡ്രൈവർ യദു ലൈംഗികാധിക്ഷേപം നടത്തിയതായി…
കൊച്ചി പനമ്പിള്ളി നഗറിനടുത്ത് നടുറോഡിൽ കണ്ടെത്തിയ നവജാത ശിശുവിന്റെ പ്രാഥമിക പോസ്റ്റ്മോർട്ടം റിപ്പോർട്ട് പുറത്ത്. തലയോട്ടിക്കുണ്ടായ പരിക്കാണ് മരണം കാരണമെന്നാണ്…