അരിക്കൊമ്പന്റെ സുരക്ഷ ഉറപ്പാക്കണമെന്നാവശ്യപ്പെട്ട് ഹൈക്കോടതിയിൽ ഹർജി;കോടതിയെ സമീപിച്ചത് ട്വന്റി ട്വന്റി ചീഫ് കോഡിനേറ്റർ സാബു എം ജേക്കബ്

അരിക്കൊമ്പന്റെ സുരക്ഷ ഉറപ്പാക്കണമെന്നാവശ്യപ്പെട്ട് ഹൈക്കോടതിയിൽ ഹർജി സമർപ്പിച്ചു. ട്വന്റി ട്വന്റി ചീഫ് കോഡിനേറ്റർ സാബു എം ജേക്കബാണ് വിഷയത്തിൽ ഹർജി നൽകിയിരിക്കുന്നത്. അരിക്കൊമ്പന് ആവശ്യമായ ചികിത്സ ലഭ്യമാക്കണമെന്നും ഹർജിയിലൂടെ ആവശ്യപ്പെടുന്നു.

അരിക്കൊമ്പന്റെ സുരക്ഷ ഉറപ്പാക്കണം, ആവശ്യമായ ചികിത്സ നൽകണം എന്നീ രണ്ട് ആവശ്യങ്ങളാണ് ഹർജിയിൽ പ്രധാനമായും ഉന്നയിച്ചിരിക്കുന്നത്. കമ്പം ടൗണിൽ ഇറങ്ങിയപ്പോൾ എടുത്ത ആനയുടെ ചിത്രങ്ങളിൽ തുമ്പികൈയ്ക്ക് ഏറ്റിരിക്കുന്ന മുറിവ് വ്യക്തമായിരുന്നു. ചിന്നക്കനാലിൽ ചക്കക്കൊമ്പൻ എന്ന മറ്റൊരു കാട്ടാനയുമായി നടന്ന ഏറ്റുമുട്ടലിലാണ് ഈ മുറിവ് പറ്റിയത് എന്നാണ് കരുതുന്നത്.

അതേസമയം അരിക്കൊമ്പന്റെ ആക്രമണത്തില്‍ തലയ്ക്ക് തലയ്ക്ക് ഗുരുതരമായി പരിക്കേറ്റ് ചികിത്സയിലായിരുന്ന കമ്പം സ്വദേശി പാല്‍രാജ് ഇന്നു മരിച്ചിരുന്നു. തേനി മെഡിക്കല്‍ കോളജില്‍ ചികിത്സയിലിരിക്കെ ഇന്നു പുലർച്ചെയോടെയാ ബൈക്ക് യാത്രികനായ പാല്‍രാജിനെ ആക്രമിക്കുകയായിരുന്നു.