മുതിർന്ന ബിജെപി നേതാവ് മുരളീ മനോഹർ ജോഷിയുമായി കൂടിക്കാഴ്ച നടത്തി പ്രധാനമന്ത്രി; ഊർജ്ജം പകരുന്ന നിമിഷങ്ങളെന്ന് ആവേശഭരിതനായി നരേന്ദ്രമോദി; ട്വീറ്റ് ഏറ്റെടുത്ത് സമൂഹ മാദ്ധ്യമങ്ങൾ

ദില്ലി: മുതിർന്ന നേതാവ് മുരളി മനോഹർ ജോഷിയുമായി കൂടിക്കാഴ്ച നടത്തി പ്രധാനമന്ത്രി നരേന്ദ്രമോദി. പ്രധാനമന്ത്രിയുടെ ഓഫീസിൽ എത്തിയ ജോഷിയെ നരേന്ദ്രമോദി സ്വീകരിച്ചു. ജോഷിജിയെ കാണാൻ സാധിച്ചതായും അദ്ദേഹത്തിന്റെ അനുഗ്രഹം വാങ്ങാൻ സാധിച്ചതായും കൂടിക്കാഴ്ചയുടെ ചിത്രങ്ങൾ പങ്കുവെച്ചുകൊണ്ട് പ്രധാനമന്ത്രി കുറിച്ചു.

“ഇന്ന് ആദരണീയനായ ജോഷിജിയുടെ ആശിര്‍വാദവും മാര്‍ഗ നിര്‍ദ്ദേശവും ലഭിക്കാനിടയായി. തന്നെ പോലുള്ള കാര്യകര്‍ത്താക്കള്‍ക്ക് അദ്ദേഹത്തിന്റെ സാന്നിദ്ധ്യം കൂടുതല്‍ ഊര്‍ജ്ജം പകരുന്ന ഒന്നാണ്.” പ്രധാനമന്ത്രി ചിത്രങ്ങള്‍ക്കൊപ്പം ട്വിറ്ററില്‍ കുറിച്ചു.