റോം: പോപ്പ് ഫ്രാൻസിസ് മാർപാപ്പയെ ഇന്ത്യയിലേക്ക് ക്ഷണിച്ച് പ്രധാനമന്ത്രി നരേന്ദ്രമോദി. മാർപാപ്പയുമായി നടത്തിയ കൂടിക്കാഴ്ചയ്ക്കിടെയായിരുന്നു ക്ഷണം. ഇരുവരും തമ്മിലുള്ള ഒന്നേകാല് മണിക്കൂര് നീണ്ടുനിന്ന ചര്ച്ചയ്ക്കിടെയാണ് നരേന്ദ്ര മോദി പാപ്പയെ ഇന്ത്യാ സന്ദര്ശനത്തിന് ക്ഷണിച്ചത്.
12 മണിയ്ക്കായിരുന്നു കൂടിക്കാഴ്ച ആരംഭിച്ചത്. ഇരുവരും തമ്മിലുള്ള കൂടിക്കാഴ്ച 20 മിനിറ്റ് നേരത്തേക്കാണ് നിശ്ചയിച്ചിരുന്നത്. എന്നാൽ സംഭാഷണം ഒന്നരമണിക്കൂറോളം നീളുകയായിരുന്നു. പേപ്പല് ഹൗസിലെ ലൈബ്രറിയില് നടന്ന കൂടിക്കാഴ്ചയ്ക്കിടെ കോവിഡ് 19, കാലാവസ്ഥാ വ്യതിയാനം എന്നിവയടക്കമുള്ള വിഷയങ്ങള് ചര്ച്ച ചെയ്യപ്പെട്ടതായാണ് റിപ്പോര്ട്ട്. കൂടാതെ ഇസ്ലാമിക ജിഹാദിനെതിരെ ലോകമെമ്പാടുമുള്ള ഹിന്ദു ക്രിസ്ത്യൻ ജൂത കൂട്ടായ്മ ഉണ്ടാകണമെന്നുള്ള കാര്യവും ചർച്ച നടത്തിയതായി റിപ്പോർട്ടുകൾ ഉണ്ട്. ഇത് സംബന്ധിച്ച കൂടുതല് വിശദാംശങ്ങള് വിദേശകാര്യ സെക്രട്ടറി വാര്ത്താസമ്മേളനത്തില് പിന്നീട് വ്യക്തമാക്കും.
കാലാവസ്ഥാ സംരക്ഷണവുമായി ബന്ധപ്പെട്ട് മാർപാപ്പയുമായി നരേന്ദ്ര മോദി വിപുലമായ ചർച്ച നടത്തിയെന്നാണ് റിപ്പോർട്ടുകൾ. ഇന്ത്യയുടെ ക്ഷണം സ്വീകരിച്ച് മാർപ്പാപ്പ ഉടൻ ഇന്ത്യ സന്ദർശിക്കുമെന്നാണ് പുറത്തുവരുന്ന സൂചനകൾ. വിദേശകാര്യമന്ത്രി ഡോ. എസ് ജയശങ്കറിനും, ദേശീയ സുരക്ഷാ ഉപദേഷ്ടാവ് അജിത് ഡോവലിനുമൊപ്പമാണ് പ്രധാനമന്ത്രി മാർപാപ്പയെ കാണാൻ എത്തിയത്.
ഇതിന് മുൻപ് 1999 ലാണ് വത്തിക്കാൻ പോപ്പ് അവസാനമായി ഇന്ത്യ സന്ദർശിച്ചത്. അന്നത്തെ പ്രധാനമന്ത്രി അടൽ ബിഹാരി വാജ്പേയുടെ ക്ഷണത്തെ തുടർന്ന് അന്നത്തെ പോപ്പ് ജോൺ പോൾ രണ്ടാമനാണ് ഇന്ത്യയിൽ എത്തിയത്.
അതേസമയം പതിനാറാം ജി-20 ഉച്ചകോടിയില് പങ്കെടുക്കാനായാണ് മോദി ഇറ്റലിയിലെത്തിയത്. മാര്പാപ്പയുമായുള്ള കൂടിക്കാഴ്ചയ്ക്കു ശേഷം അദ്ദേഹം ജി-20 ഉച്ചകോടിയുടെ ആദ്യ യോഗത്തില് പങ്കെടുക്കും. തുടർന്ന് ‘ആഗോള സാമ്പത്തികം, ആഗോള ആരോഗ്യം’ എന്ന വിഷയത്തിലാണ് യോഗം. പിന്നീട്, ഫ്രഞ്ച് പ്രസിഡന്റ് എമ്മാനുവല് മക്രോണ്, ഇന്ഡൊനീഷ്യന് പ്രസിഡന്റ് ജോക്കോ വിഡോഡോ, സിങ്കപ്പൂര് പ്രധാനമന്ത്രി ലീ ഹൊസൈ എന്നിവരുമായി ചര്ച്ച നടത്തും.
മാത്രമല്ല ഇറ്റലിയിലെത്തിയ മോദി യൂറോപ്യന് യൂണിയന് കൗണ്സില് ചാള്സ് മിഷേല്, യൂറോപ്യന് കമ്മിഷന് പ്രസിഡന്റ് ഉര്സുല ഫണ് ഡെയര് ലെയെന്, ഇറ്റാലിയന് പ്രധാനമന്ത്രി മരിയോ ദരാഗി എന്നിവരുമായി കഴിഞ്ഞ ദിവസം മോദി കൂടിക്കാഴ്ച നടത്തിയിരുന്നു.
പ്രധാനമന്ത്രിയുടെ അവിടുത്തെ ആദ്യ ഔദ്യോഗിക ചടങ്ങില് വ്യാപാരം, നിക്ഷേപ ബന്ധങ്ങള്, കാലാവസ്ഥാ വ്യതിയാനം, കോവിഡ്, ദേശീയ, ആഗോളവികസനം തുടങ്ങിയ വിഷയങ്ങളാണ് ചര്ച്ചചെയ്തത്. മെച്ചപ്പെട്ട ഭൂമി സൃഷ്ടിക്കാനായി മനുഷ്യബന്ധങ്ങളും സാമ്പത്തിക ബന്ധങ്ങളും ഊഷ്മളമാക്കുന്നതിനെക്കുറിച്ച് നേതാക്കള് ആശയങ്ങള് പങ്കുവെച്ചതായി പ്രധാനമന്ത്രിയുടെ ഓഫീസ് ട്വീറ്റ് ചെയ്തു. തുടര്ന്ന്, പിയാസ ഗാന്ധിയിലുള്ള മഹാത്മാ ഗാന്ധി പ്രതിമയില് അദ്ദേഹം പുഷ്പാര്ച്ചനയും നടത്തിയിരുന്നു.
മൂന്നുദിവസത്തെ സന്ദര്ശനത്തിനായി കഴിഞ്ഞ ദിവസം വെള്ളിയാഴ്ച രാവിലെയാണ് പ്രധാനമന്ത്രി റോമിലെ ലിയനാര്ഡോ ഡാവിഞ്ചി വിമാനത്താവളത്തിലിറങ്ങിയത്. ഇറ്റാലിയന് സര്ക്കാരിലെ മുതിര്ന്ന ഉദ്യോഗസ്ഥരും ഇറ്റലിയിലെ ഇന്ത്യന് സ്ഥാനപതിയും ചേര്ന്ന് സ്വീകരിച്ചു. 12 വര്ഷത്തിനിടെ ആദ്യമായാണ് ഇന്ത്യന് പ്രധാനമന്ത്രി റോം സന്ദര്ശിക്കുന്നത്.
ജി-20 ഉച്ചകോടിക്കുശേഷം ഞായറാഴ്ച റോമില്നിന്ന് പ്രധാനമന്ത്രി നേരെ സ്കോട്ലന്ഡിലെ ഗ്ലാസ്ഗോവിലേക്ക് പോവും. അവിടെ 26-ാം കാലാവസ്ഥാ ഉച്ചകോടിയില് പങ്കെടുക്കും. ഉച്ചകോടിക്കിടെ സ്പെയിന് പ്രധാനമന്ത്രി പെദ്രൊ സാന്ചെസുമായും ജര്മന് ചാന്സലര് ആംഗേല മെര്ക്കലുമായും അദ്ദേഹം കൂടിക്കാഴ്ച നടത്തുമെന്ന് റിപ്പോർട്ടുകൾ വ്യക്തമാക്കുന്നു.
ഭാരതത്തിന്റെ സനാതന സാംസ്കാരിക പൈതൃകത്തിന്റെയും അചഞ്ചലമായ ദേവീഭക്തിയുടെയും പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ വിശ്വപ്രസിദ്ധമായ കാർത്തിക പൊങ്കാല മഹോത്സവത്തിന്…
സിപിഎം മുൻ സംസ്ഥാന സെക്രട്ടറി കോടിയേരി ബാലകൃഷ്ണന്റെ അവസാന നാളുകളെക്കുറിച്ച് നിർണായക വെളിപ്പെടുത്തലുകളുമായി ഭാര്യയുടെ സഹോദരൻ എസ്.ആർ. വിനയകുമാർ. പാർട്ടി…
നവംബർ 16 മുതൽ 20 വരെ അസം, മണിപ്പൂർ എന്നിവിടങ്ങളിൽ ആർ.എസ്.എസ് സർസംഘചാലക് ഡോ. മോഹൻ ഭാഗവത് നടത്തിയ പഞ്ചദിന…
പഞ്ചാബ് പോലീസുകാരന്റെ കൊലപാതകക്കേസിൽ പ്രധാന ഷൂട്ടറെന്ന് സംശയിക്കുന്ന ഹാപ്പി ബഹ്മാനെ പിടികൂടി. പഞ്ചാബ് പോലീസിന്റെ ആന്റി ഗ്യാങ്സ്റ്റർ ടാസ്ക് ഫോഴ്സ്…
ഇന്തോനേഷ്യയിലെ ബാലി പ്രവിശ്യയിലെ ജിയാന്യാറിൽ ഉയർന്ന അമ്പത് അടിയിലധികം ഉയരമുള്ള ഭഗവാൻ ഗണേശന്റെ ഭീമൻ ശിൽപ്പം ലോകശ്രദ്ധ പിടിച്ചുപറ്റി ഗിന്നസ്…
സൗന്ദര്യം വർധിപ്പിക്കാനും ചർമ്മത്തിന് നിറം നൽകാനുമായി ഉപയോഗിച്ച ഫെയർനസ് ക്രീം 17കാരിക്ക് ഗുരുതര ആരോഗ്യപ്രശ്നമായി. ക്രീമിലെ മെർക്കുറി വിഷബാധയെ തുടർന്ന്…